.jpg)
គ្រូពេទ្យមកទទួលអ្នកជំងឺទៅព្យាបាល នាពេលកន្លងទៅ។ រូបថត ហ្វេសប៊ុក
ភ្នំពេញៈ ក្រសួងសុខាភិបាលប្រកាសរកឃើញអ្នកឆ្លងវីរុសកូវីដ ១៩ បន្ថែមទៀតចំនួនជិត ៣០ នាក់ ដែលសុទ្ធតែជាប្រភេទវីរុសបំប្លែងថ្មីអូមីក្រុងទាំងអស់ និងមានអ្នកជាសះស្បើយបន្ថែមជិត ៣០ នាក់ដូចគ្នាផងដែរ ប៉ុន្តែមិនមានអ្នកស្លាប់ដោយសារមេរោគកូវីដ ១៩ បំប្លែងថ្មីនេះឡើយ នាថ្ងៃនេះ។
សេចក្តីប្រកាសរបស់ក្រសួងសុខាភិបាលនៅថ្ងៃទី ២១ ខែ មេសា ឆ្នាំ ២០២២ បញ្ជាក់ថា មនុស្សចំនួន ២៩ នាក់ទៀត បានឆ្លងវីរុសកូវីដ ១៩ និងមានអ្នកជាសះស្បើយចំនួន២ ៦ នាក់។ ការរកឃើញនេះ មានករណីឆ្លងសហគមន៍ចំនួន ២២ នាក់ និងអ្នកដំណើរមកពីបរទេសចំនួន ៧ នាក់។
គិតត្រឹមព្រឹកថ្ងៃទី ២១ ខែ មេសា ឆ្នាំ ២០២២ កម្ពុជាមានអ្នកឆ្លងវីរុសកូវីដ ១៩ សរុបទូទាំងប្រទេសចំនួន ១៣៦ ១៤៦ នាក់អ្នកជាសះស្បើយ សរុបចំនួន ១៣២ ៨៥១ នាក់ និងអ្នកស្លាប់មានចំនួន ៣ ០៥៦ នាក់៕
