ភ្នំពេញៈ ក្រសួងសុខាភិបាលប្រកាសរកឃើញអ្នកឆ្លងវីរុសកូវីដ ១៩ បន្ថែមទៀត ចំនួនតែ ២ នាក់ប៉ុណ្ណោះ ដែលជាប្រភេទវីរុសបំប្លែងថ្មីអូមីក្រុង ឯអ្នកជាសះស្បើយមានរហូតដល់ចំនួន ២៣ នាក់ និងមិនមានអ្នកស្លាប់ដោយសារមេរោគកូវីដ ១៩ ឡើយនាថ្ងៃនេះ។
យោងតាមសេចក្តីប្រកាសរបស់ក្រសួងសុខាភិបាលនៅថ្ងៃទី ២៦ ខែ មេសា ឆ្នាំ ២០២២ បានបញ្ជាក់ថា មនុស្សចំនួន ២ នាក់ទៀត ដែលឆ្លងនេះត្រូវបានរកឃើញឆ្លងក្នុងសហគមន៍ និងមិនមានអ្នកដំណើរមកពីបរទេសរកឃើញឆ្លងនោះទេ។
គិតត្រឹមព្រឹកថ្ងៃទី ២៦ ខែ មេសា ឆ្នាំ ២០២២ កម្ពុជាមានអ្នកឆ្លងវីរុសកូវីដ១៩ សរុបទូទាំងប្រទេស ចំនួន១៣៦ ២៣០នាក់ អ្នកជាសះស្បើយ សរុបចំនួន១៣២ ៩៦៨នាក់ និងអ្នកស្លាប់មានចំនួន៣ ០៥៦នាក់៕