.jpg)
កម្ពុជាបន្តរកឃើញអ្នកឆ្លងកូវីដតែ ៥ នាក់ប៉ុណ្ណោះ ខណៈអ្នកជាសះស្បើយមាន ២៦ នាក់។
ភ្នំពេញៈ ក្រសួងសុខាភិបាលបានប្រកាសរកឃើញអ្នកឆ្លងវីរុសកូវីដ ១៩ ត្រឹមតែចំនួន ៥ នាក់ប៉ុណ្ណោះ ដែលសុទ្ធតែជាប្រភេទវីរុសបំប្លែងថ្មីអូមីក្រុងទាំងអស់ និងមានអ្នកជាសះស្បើយបន្ថែមចំនួន ២៦ នាក់ ប៉ុន្តែមិនមានអ្នកស្លាប់ដោយសារជំងឺនេះថ្មីទៀតឡើយ។
យោងតាមសេចក្តីប្រកាសរបស់ក្រសួងសុខាភិបាលនៅថ្ងៃទី ២៧ ខែ មេសា ឆ្នាំ ២០២២ បានបញ្ជាក់ថា មនុស្សចំនួន៥នាក់ដែលបានរកឃើញឆ្លងវីរុសនេះជាករណីឆ្លងក្នុងសហគមន៍ទាំងអស់ដោយមិនមានអ្នកដំណើរពីបរទេសរកឃើញឆ្លងឡើយ។
គិតត្រឹមព្រឹកថ្ងៃទី ២៧ ខែ មេសា ឆ្នាំ ២០២២ កម្ពុជាមានអ្នកឆ្លងវីរុសកូវីដ ១៩ សរុបទូទាំងប្រទេសចំនួន ១៣៦ ២៣៥ នាក់ អ្នកជាសះស្បើយសរុបចំនួន ១៣២ ៩៩៤ នាក់ និងអ្នកស្លាប់មានចំនួន ៣ ០៥៦ នាក់៕
