.jpg)
កម្ពុជាបន្តរកឃើញអ្នកឆ្លងកូវីដ ៥ នាក់ទៀត ខណៈអ្នកជាមានជិត ៣០ នាក់ តែគ្មានអ្នកស្លាប់ថ្មីទេ។
ភ្នំពេញៈ ក្រសួងសុខាភិបាលបានប្រកាសរកឃើញអ្នកឆ្លងវីរុសកូវីដ ១៩ ចំនួន ៥ នាក់បន្ថែមទៀត ដែលសុទ្ធតែជាប្រភេទវីរុសបំប្លែងថ្មីអូមីក្រុងទាំងអស់ និងមានអ្នកជាសះស្បើយបន្ថែមចំនួន ២៩ នាក់ ប៉ុន្តែមិនមានអ្នកស្លាប់ដោយសារមេរោគកូវីដ ១៩ ឡើយ។
យោងតាមសេចក្តីប្រកាសរបស់ក្រសួងសុខាភិបាលនៅថ្ងៃទី ២៨ ខែ មេសា ឆ្នាំ ២០២២ បានបញ្ជាក់ថា មនុស្សចំនួន ៥ នាក់ ដែលបានរកឃើញឆ្លងវីរុសនេះជាករណីឆ្លងក្នុងសហគមន៍ទាំងអស់ដោយមិនមានអ្នកដំណើរពីបរទេសរកឃើញឆ្លងឡើយ។
គិតត្រឹមព្រឹកថ្ងៃទី ២៨ ខែ មេសា ឆ្នាំ ២០២២ កម្ពុជាមានអ្នកឆ្លងវីរុសកូវីដ ១៩ សរុបទូទាំងប្រទេសចំនួន ១៣៦ ២៤០ នាក់ អ្នកជាសះស្បើយសរុបចំនួន ១៣៣ ០២៣ នាក់ និងអ្នកស្លាប់មានចំនួន ៣ ០៥៦ នាក់៕
