.jpg)
ក្រសួងសុខាភិបាល ប្រកាសរកឃើញអ្នកឆ្លងវីរុសកូវីដ ១៩ ចំនួន ០៦ នាក់បន្ថែមទៀត។
ក្រសួងសុខាភិបាលបានប្រកាសរកឃើញអ្នកឆ្លងវីរុសកូវីដ១៩ចំនួន ០៦ នាក់បន្ថែមទៀត ដែលសុទ្ធតែជាប្រភេទវីរុសបំប្លែងថ្មីអូមីក្រុងទាំងអស់ និងមានអ្នកជាសះស្បើយបន្ថែមចំនួន ២៧ នាក់ ប៉ុន្តែមិនមានអ្នកស្លាប់ដោយសារមេរោគកូវីដ ១៩ ឡើយ។
យោងតាមសេចក្តីប្រកាសរបស់ក្រសួងសុខាភិបាលនៅថ្ងៃទី ២៩ ខែ មេសា ឆ្នាំ ២០២២ បានបញ្ជាក់ថា មនុស្សចំនួន ០៦ នាក់ ដែលបានរកឃើញឆ្លងវីរុសនេះ ជាករណីឆ្លងក្នុងសហគមន៍ទាំងអស់ ដោយមិនមានអ្នកដំណើរពីបរទេសរកឃើញឆ្លងឡើយ។
គិតត្រឹមព្រឹក ថ្ងៃទី ២៩ ខែ មេសា ឆ្នាំ ២០២២ កម្ពុជាមានអ្នកឆ្លងវីរុសកូវីដ ១៩ សរុបទូទាំងប្រទេសចំនួន ១៣៦ ២៤៦ នាក់ អ្នកជាសះស្បើយ សរុបចំនួន ១៣៣ ០៥០ នាក់ និងអ្នកស្លាប់មានចំនួន ៣ ០៥៦ នាក់៕
