កំពង់ឆ្នាំងៈ កម្លាំងប៉ុស្តិ៍នគរបាលរដ្ឋបាលឃុំ ប្រឡាយមាស ស្រុកកំពង់លែង ចុះបង្ក្រាប បទល្មើសនេសាទ ដោយបំផ្លាញចោល របាំង ស្បៃមុង ប្រវែង ៧០០ ម៉ែត្រ លូ ស្បៃមុង ១៥ គ្រឿង និង បង្គោលចំនួន ២០០ ដើម។
របាយការណ៍អគ្គស្នងការដ្ឋាននគរបាលជាតិ បញ្ជាក់នាថ្ងៃទី ២៩ ខែមេសា ថា ប្រតិបត្តិការចុះបង្ក្រាបនេះ ធ្វើឡើងនាថ្ងៃទី២៨ ខែមេសា នៅចំណុច វាលភក់ និង ចំណុច បង្គៀប ស្ថិត នៅក្នុងភូមិសាស្ត្រ ភូមិក្រម៉ាល់ ឃុំប្រឡាយ មាស ស្រុកកំពង់លែង។
របាយការណ៍បញ្ជាក់ថា៖«ជាលទ្ធផល បង្រាប បានរបាំងស្បៃមុង ចំនួន ១០ កន្លែង ប្រវែង ៧០០ ម៉ែត្រ លូស្បៃមុង ចំនួន ១៥ គ្រឿង បង្គោល ចំនួន ២០០ ដើម។ វត្ថុតាង ត្រូវបាន បំផ្លាញចោលនៅនឹងកន្លែង»៕