The Phnom Penh Post Search

Search form




Logo of Phnom Penh Post newspaper Phnom Penh Post - លោក អ៊ិត សំហេង​៖ ថ្ងៃបុណ្យ​ចំ​ថ្ងៃអាទិត្យ​មិនមាន​ប្រាក់​ឈ្នួល និង​ការឈប់​សង​ទេ​

លោក អ៊ិត សំហេង​៖ ថ្ងៃបុណ្យ​ចំ​ថ្ងៃអាទិត្យ​មិនមាន​ប្រាក់​ឈ្នួល និង​ការឈប់​សង​ទេ​

Content image - Phnom Penh Post
លោក អ៊ិត សំហេង រដ្ឋមន្ត្រីក្រសួង​ការងារ និង​បណ្តុះបណ្តាលវិជ្ជាជីវៈ។ ក្រសួង​ការងារ

លោក អ៊ិត សំហេង​៖ ថ្ងៃបុណ្យ​ចំ​ថ្ងៃអាទិត្យ​មិនមាន​ប្រាក់​ឈ្នួល និង​ការឈប់​សង​ទេ​

​ភ្នំពេញៈ លោក អ៊ិត សំហេង រដ្ឋមន្ត្រីក្រសួង​ការងារ និង​បណ្តុះបណ្តាល វិជ្ជាជីវៈ ថ្លែងថា ការធ្វើ​វិសោធនកម្ម​ច្បាប់​ស្តីពី​ការងារ​ថ្មី​ត្រង់ចំណុច​ថា ថ្ងៃបុណ្យ​ប៉ះចំ​ថ្ងៃអាទិត្យ គឺ​មិនមាន​ការឈប់​សង​ទេ ជាមួយគ្នា​នោះ​ថ្ងៃបុណ្យ​ចំ​ថ្ងៃអាទិត្យ​ក៏​មិនមាន​ប្រាក់​ឈ្នួល​បន្ថែម​ដែរ ព្រោះ​ធម្មតា​ថ្ងៃអាទិត្យ​មិនមែនជា​ថ្ងៃ​ធ្វើ​ការងារ​នោះទេ ។​

​លោក​រដ្ឋមន្ត្រីក្រសួង​ការងារ ថ្លែង​បែបនេះ​នៅ ក្នុង​ពិធី​អបអរសាទរ​ខួប​អនុស្សាវរីយ៍​លើក​ទី​១៣៦ នៃ​ទិវា​ពលកម្ម​អន្តរជាតិ ថ្ងៃទី​១ ខែឧសភា ដែល​ធ្វើឡើង​នៅ​ក្រសួង​ការងារ និង​បណ្តុះបណ្តាល​វិជ្ជាជីវៈ នា​ថ្ងៃទី ៣០ ខែមេសា​នេះ​។ លោក​ថា នៅ​ខេត្តកំពង់ស្ពឺ​មាន​កម្មករ​រោងចក្រ​មួយចំនួន​កំពុងមាន​ច​ម្ងា​ល់​ជុំវិញ​បញ្ហា​នេះ​និង​ចង់ឱ្យ​ក្រសួង​ការងារ​ធ្វើការ​បកស្រាយ​ឱ្យបាន​ច្បាស់លាស់ ហេតុនេះ​ក្រសួង​ការងារ​កំពុង​រៀបចំ​ចម្លើយ​ដើម្បី​បញ្ជាក់ប្រាប់​ប្រជាពលរដ្ឋ​ជា​កម្មករ​រោងចក្រ​កុំឱ្យ​មានការ​យល់ច្រឡំ​។

​លោក​ថ្លែងថា​៖«​យើង​កែទម្រង់​រឿងនេះ ដើម្បី​ធ្វើយ៉ាងណា​បន្ធូរបន្ថយ​ស្ថានភាព​ចំណាយ​ច្រើន​លើសលប់​ពេក​របស់​អ្នកវិនិយោគ ប៉ុន្តែ​វិស័យ​ផ្សេងទៀត ដើម្បី​បង្កើត​ឱកាស​ការងារ​ឱ្យ​ច្រើន​បន្ថែមទៀត​ឱ្យ​បងប្អូន​យើង​។​អ៊ីចឹង​ទេ​រឿងនេះ បងប្អូន​មិន​ទារ​អី​ទេ គ្រាន់តែ​ចង់ឱ្យ​យើង​បកស្រាយ​ឱ្យ​ច្បាស់​»៕

​​

អត្ថបទគួរចាប់អារម្មណ៍