ភ្នំពេញៈ លោក កើត រិទ្ធ រដ្ឋមន្ត្រីក្រសួងយុត្តិធម៌ក្រសួងយុត្តិធម៌បានដឹកនាំកិច្ចប្រជុំ ពិនិត្យ និងវាយតម្លៃបញ្ជីឈ្មោះទណ្ឌិតស្នើសុំបន្ធូរបន្ថយទោស និងលើកលែងទោសដែលស្នើពីពន្ធនាគាររាជធានី-ខេត្ត និងមណ្ឌលអប់រំកែប្រែចំនួន៤ សរុបទណ្ឌិតចំនួន ១២៨៦ នាក់ (ស្រី ១២៧ នាក់) នៅទីស្តីការក្រសួងយុត្តិធម៌ កាលពីថ្ងៃទី ២៩ ខែមេសានេះ។
ក្រសួងយុត្តិធម៌ បានឱ្យដឹងថា លោក កើត រិទ្ធ រដ្ឋមន្ត្រីក្រសួងយុត្តិធម៌ និងជាប្រធានគណៈកម្មការថ្នាក់ជាតិ ពិនិត្យ និងវាយតម្លៃបញ្ជីឈ្មោះទណ្ឌិតស្នើសុំបន្ធូរបន្ថយទោស និងលើកលែងទោស បានដឹកនាំកិច្ចប្រជុំពិនិត្យ និងវាយតម្លៃបញ្ជីឈ្មោះទណ្ឌិតស្នើសុំបន្ធូរបន្ថយទោស និងលើកលែងទោស ដែលស្នើពីពន្ធនាគាររាជធានី-ខេត្ត និងមណ្ឌលអប់រំកែប្រែចំនួន៤ សរុបទណ្ឌិតចំនួន ១២៨៦ នាក់ (ស្រី ១២៧នាក់) កាលពីថ្ងៃទី២៩ ខែមេសា ឆ្នាំ២០២២ នេះ។
កិច្ចប្រជុំនេះ មានការអញ្ជើញចូលរួមពីលោក ប៉ាវ ហមផាន រដ្ឋលេខាធិការក្រសួងមហាផ្ទៃ, លោក អ៊ុក សាវុធ អគ្គព្រះរាជអាជ្ញានៃមហាអយ្យការអមសាលាឧទ្ធរណ៍ភ្នំពេញ, តំណាងអគ្គនាយកដ្ឋានពន្ធនាគារ, តំណាងក្រុមប្រឹក្សានីតិកម្មនៃក្រសួងមហាផ្ទៃ និងថ្នាក់ដឹកនាំ និងមន្ត្រីជំនាញរបស់ក្រសួងយុតិ្តធម៌ ផងដែរ៕