The Phnom Penh Post Search

Search form




Logo of Phnom Penh Post newspaper Phnom Penh Post - គណៈកម្មាធិការ​ជាតិ​គ្រប់គ្រង​គ្រោះមហន្តរាយ និង​អង្គការ​ដៃគូ​បន្ត​អនុវត្ត​ប្រព័ន្ធ​ប្រកាស​ឱ្យដឹង​មុន​នៃ​គ្រោះមហន្តរាយ​ ៣ ​ឆ្នាំ​ទៀត

គណៈកម្មាធិការ​ជាតិ​គ្រប់គ្រង​គ្រោះមហន្តរាយ និង​អង្គការ​ដៃគូ​បន្ត​អនុវត្ត​ប្រព័ន្ធ​ប្រកាស​ឱ្យដឹង​មុន​នៃ​គ្រោះមហន្តរាយ​ ៣ ​ឆ្នាំ​ទៀត

Content image - Phnom Penh Post
គណៈកម្មាធិការ​ជាតិ​គ្រប់គ្រង​គ្រោះ មហន្តរាយ​ (​គ.ជ.គ.ម) និង​អង្គការ​ភីពផលអ៊ីននីត ពង្រឹង​កិច្ចសហប្រតិបត្តិការ​ក្នុងការ​អនុវត្ត​ប្រព័ន្ធ​ប្រកាស​ឱ្យដឹង​មុន​នៃ​គ្រោះមហន្តរាយ​នៅ​កម្ពុជា ដើម្បី​ឆ្លើយតប​ឱ្យទាន់​ពេលវេលា​ចំពោះ​គ្រោះមហន្តរាយ​កើតឡើង​ជាយថាហេតុ​។ គណៈកម្មាធិការជាតិគ្រប់គ្រងគ្រោះមហន្តរាយ

គណៈកម្មាធិការ​ជាតិ​គ្រប់គ្រង​គ្រោះមហន្តរាយ និង​អង្គការ​ដៃគូ​បន្ត​អនុវត្ត​ប្រព័ន្ធ​ប្រកាស​ឱ្យដឹង​មុន​នៃ​គ្រោះមហន្តរាយ​ ៣ ​ឆ្នាំ​ទៀត

ភ្នំពេញៈ គណៈកម្មាធិការ​ជាតិ​គ្រប់គ្រង​គ្រោះ មហន្តរាយ​ (​គ.ជ.គ.ម) និង​អង្គការ​ភីពផលអ៊ីននីត ពង្រឹង​កិច្ចសហប្រតិបត្តិការ​ក្នុងការ​អនុវត្ត​ប្រព័ន្ធ​ប្រកាស​ឱ្យដឹង​មុន​នៃ​គ្រោះមហន្តរាយ​នៅ​កម្ពុជា ដើម្បី​ឆ្លើយតប​ឱ្យទាន់​ពេលវេលា​ចំពោះ​គ្រោះមហន្តរាយ​កើតឡើង​ជាយថាហេតុ​។

ការពង្រឹង​កិច្ចសហប្រតិបត្តិការ​នេះ​ធ្វើឡើង​ក្នុង​ពិធី​ចុះ​អនុស្សរណៈ​នៃ​ការយោគយល់​គ្នា​ក្នុង​ការបន្ត​អនុវត្ត​ប្រព័ន្ធ​ប្រកាស​ឱ្យដឹង​មុន ១២៩៤ ភាព​ធន់​ទៅនឹង​ទឹកជំនន់ និង​ការឆ្លើយតប​សង្គ្រោះបន្ទាន់​ទៅនឹង​គ្រោះមហន្តរាយ​នៅ​ព្រះរាជាណាចក្រ​កម្ពុជា​នា​រសៀល​ថ្ងៃទី​ ២៩​ ខែមេសា​ឆ្នាំ​ ២០២២ នេះ​។

លោក លូកាស ឡូបេក (Lukas Laube) នាយក​ប្រចាំ​ប្រទេស​នៃ​អង្គការ​ភីពផលអ៊ីននីត​នៅ​កម្ពុជា​បាន​ថ្លែងថា គោលបំណង​នៃ​ការចុះ​អនុស្សរណៈ​នៃ​ការយោគយល់​នេះ គឺ​ដើម្បី​ពង្រឹង​ទំនាក់ទំនង និង​កិច្ចសហការ​ឱ្យ​កាន់តែ​ជិតស្និទ្ធ រវាង គ.ជ.គ.ម​. និង​អង្គការ​ភីពផលអ៊ីននីត​នៅ​កម្ពុជា ក្នុង​ការបន្ត​អនុវត្ត​ប្រព័ន្ធ​ប្រកាស​ឱ្យដឹង​មុន​ ១២៩៤ ភាព​ធន់​ទៅនឹង​ទឹកជំនន់ និង​ការឆ្លើយតប​សង្គ្រោះបន្ទាន់​ទៅនឹង​គ្រោះមហន្តរាយ នៅ​ព្រះរាជាណាចក្រ​កម្ពុជា​។

លោក​បញ្ជាក់ថា​៖ «​អនុស្សរណៈ​នៃ​ការយោគយល់​នេះ នឹងមាន​សុពលភាព សម្រាប់​រយៈពេល​ ៣ ​ឆ្នាំ​បន្ត ដោយ​គិត​ចាប់ពី​កាលបរិច្ឆេទ​នៃ​ការចុះហត្ថលេខា​តទៅ​»​។

លោក ហង្ស សាមឿន ទីប្រឹក្សា​លោកនាយក​រដ្ឋមន្ត្រី ហ៊ុន សែន និង​ជា​អនុប្រធាន​គណៈកម្មាធិការ​ជាតិ​គ្រប់គ្រង​គ្រោះមហន្តរាយ​បាន​កោតសរសើរ​និង​វាយតម្លៃ​ខ្ពស់ ចំពោះ​អង្គការ​ភីពផលអ៊ីននីត​នៅ​កម្ពុជា ដែល​បាន​សហការ​យ៉ាង​ជិតស្និទ្ធ ជាមួយ គ.ជ.គ.ម​. ចាប់ពី​ឆ្នាំ​ ២០១៤ រហូតដល់​បច្ចុប្បន្ន​។ លោក​ថ្លែងថា​៖ «​ក្នុងនោះ​ប្រព័ន្ធ​ប្រកាស​ឱ្យដឹង​មុន​ ១២៩៤ ត្រូវបាន​ពង្រីក​នៅ​ទូទាំង​ប្រទេស និង​បាន​ទទួល​ស្គាល់ថា​ជា​របស់​គណៈកម្មាធិការ​ជាតិ​គ្រប់គ្រង​គ្រោះមហន្តរាយ​»​។

ជាមួយ​គ្នានេះ​លោក​បាន​ជំរុញ​លើកទឹកចិត្ត​ដល់​អង្គការ​ភីពផលអ៊ីននីត​នៅ​កម្ពុជា​ក្នុង​ការពង្រឹង​និង​ពង្រីក​កិច្ចសហប្រតិបត្តិការ​ឱ្យ​កាន់តែ​សកម្ម និង​ជិតស្និទ្ធ​បន្ថែមទៀត​ជាមួយ គ.ជ.គ.ម. លើ​ការរៀបចំ​ផែនការ​សកម្មភាព សម្រាប់​អនុវត្ត​គម្រោង ពិគ្រោះ​យោបល់ សិក្ខាសាលា ការបណ្ដុះបណ្ដាល និង​សកម្មភាព​នានា​រួមគ្នា​ផងដែរ​៕

អត្ថបទគួរចាប់អារម្មណ៍