.jpg)
ការនាំអ្នកឆ្លងកូវីដប្រភេទអូមីក្រុងនៅភ្នំពេញទៅព្យាបាលកាលពីកន្លងទៅ ។ រូបថត ហ្វេសប៊ុក
ភ្នំពេញៈក្រសួងសុខាភិបាលបានប្រកាសរកឃើញអ្នកឆ្លងវីរុសកូវីដ១៩ បន្ថែមទៀតត្រឹមតែ ម្នាក់ប៉ុណ្ណោះដែលជាប្រភេទវីរុសបំប្លែងថ្មីអូមីក្រុង និង មានអ្នកជាសះស្បើយបន្ថែមចំនួន ២២នាក់ ប៉ុន្តែមិនមានអ្នកស្លាប់ដោយសារជំងឺនេះថ្មីទៀតឡើយ។
យោងតាមសេចក្តីប្រកាសរបស់ក្រសួងសុខាភិបាលនៅថ្ងៃទី១ ខែឧសភា ឆ្នាំ២០២២ បានបញ្ជាក់ថា មានមនុស្សតែម្នាក់គត់ ដែលបានរកឃើញឆ្លងវីរុសនេះដែលជាករណីឆ្លងក្នុងសហគមន៍។
គិតត្រឹមព្រឹកថ្ងៃទី១ ខែឧសភា ឆ្នាំ២០២២ កម្ពុជាមានអ្នកឆ្លងវីរុសកូវីដ១៩ សរុបទូទាំងប្រទេសចំនួន ១៣៦ ២៥២ នាក់ អ្នកជាសះស្បើយ សរុបចំនួន ១៣៣ ០៩៥ នាក់ និងអ្នកស្លាប់មានចំនួន ៣ ០៥៦ នាក់៕
