.jpg)
អ្នកជាសះស្បើយពីកូវីដនៅកម្ពុជាមានជិត ៣០ នាក់ទៀត ខណៈអ្នកឆ្លងថ្មីមានតែ ៣ នាក់ និងពុំមានអ្នកស្លាប់ថ្មីទេ។
ភ្នំពេញៈក្រសួងសុខាភិបាលបានប្រកាសរកឃើញអ្នកឆ្លងវីរុសកូវីដ ១៩ បន្ថែមទៀតតែ ៣ នាក់ប៉ុណ្ណោះ ដែលសុទ្ធតែជាប្រភេទវីរុសបំប្លែងថ្មីអូមីក្រុងទាំងអស់ និងមានអ្នកជាសះស្បើយបន្ថែមចំនួន ២៨ នាក់ ប៉ុន្តែមិនមានអ្នកស្លាប់ដោយសារជំងឺនេះថ្មីទៀតឡើយ។
យោងតាមសេចក្តីប្រកាសរបស់ក្រសួងសុខាភិបាលនៅថ្ងៃទី ៣ ខែ ឧសភា ឆ្នាំ ២០២២ បានបញ្ជាក់ថា មនុស្សចំនួនតែ ៣ នាក់គត់ ដែលបានរកឃើញឆ្លងវីរុសនេះ ដែលជាករណីឆ្លងក្នុងសហគមន៍។
គិតត្រឹមព្រឹកថ្ងៃទី ៣ ខែ ឧសភា ឆ្នាំ ២០២២ កម្ពុជាមានអ្នកឆ្លងវីរុសកូវីដ ១៩ សរុបទូទាំងប្រទេសចំនួន ១៣៦ ២៥៧ នាក់ អ្នកជាសះស្បើយសរុបចំនួន ១៣៣ ១៤៤ នាក់ និងអ្នកស្លាប់មានចំនួន ៣ ០៥៦ នាក់៕
