ភ្នំពេញៈ យ៉ាងហោចណាស់មានមនុស្សចំនួន ១១ នាក់ (ស្រី ១ នាក់) បានស្លាប់ និង ៤ នាក់ទៀតបានរងរបួសធ្ងន់ ស្រាល ដោយសារគ្រោះថ្នាក់ចរាចរណ៍នៅទូទាំងប្រទេសនៅថ្ងៃទី ៥ ខែឧសភា។
យោងតាមទិន្នន័យគ្រោះថ្នាក់ចរាចរណ៍ផ្លូវគោកទូទាំងប្រទេសចេញដោយនាយកដ្ឋាននគរបាលចរាចរណ៍ និងសណ្តាប់សាធារណៈនៃអគ្គស្នងការដ្ឋាននគរបាលជាតិនៅថ្ងៃទី ០៥ ខែឧសភា បានបញ្ជាក់ថា គ្រោះថ្នាក់ដែលបង្កឱ្យមានមនុស្សស្លាប់ និងរបួសចំនួន ១៥ នាក់ កើតឡើងដោយសារការប៉ះទង្គិចគ្នាចំនួន ៧ លើក។
ចំណែកគ្រោះថ្នាក់ចរាចរណ៍ផ្លូវគោកទូទាំងប្រទេសនៅថ្ងៃទី ០៤ ខែឧសភា បានបណ្តាលឱ្យមនុស្សស្លាប់ ១ នាក់ របួសធ្ងន់ចំនួន ៣ នាក់ (ស្រី ១ នាក់) របួសស្រាល ២ នាក់។
គ្រោះថ្នាក់ចរាចរណ៍ដែលបណ្តាលឱ្យមានមនុស្សស្លាប់ និងរបួសចំនួន ៦ នាក់នេះ គឺកើតឡើងដោយសារការប៉ះទង្គិចគ្នាចំនួន ៤ លើក៕