.jpg)
មណ្ឌលគិរីៈ អង្គភាពរដ្ឋាករទឹកខេត្តមណ្ឌលគិរីកាលពីថ្ងៃទី៥ខែឧសភាបានចេញសេចក្តីជូនដំណឹងដល់ពលរដ្ឋក្នុងក្រុងសែនមនោរម្យពីការផ្អាកការផ្គត់ផ្គង់ទឹកនៅថ្ងៃសៅរ៍ទី៧ ខែឧសភានេះ ដើម្បីក្រុមការងារធ្វើការជួសជុលបណ្តាញទុយោទឹក។
អង្គភាពរដ្ឋាករទឹកខេត្តមណ្ឌលគិរីបានបញ្ជាក់ថា៖«នៅថ្ងៃសៅរ៍ ទី៧ ខែឧសភា ឆ្នាំ ២០២២ វេលាម៉ោង៨:០០នាទីព្រឹកនេះ អង្គភាពរដ្ឋាករទឹកខេត្តមណ្ឌលគិរី យើងខ្ញុំសុំធ្វើការផ្អាកការផ្គត់ផ្គង់ ប្រើប្រាស់ទឹកជាបណ្ដោះអាសន្ន នៅទូទាំងក្រុងសែនមនោរម្យដោយមូលហេតុ៖ ក្រុមការងារផ្នែកបណ្តាញនឹងធ្វើការអនុវត្តន៍ជួសជុលបណ្តាញទុយោទឹកឆៅនៅស្ថានីយបូមទឹកឆៅ បឹងទំនប់ក្រោម។ អង្គភាពនឹងដំណើរការផ្គត់ផ្គង់ប្រើប្រាស់ឡើងវិញក្រោយការជួសជុលរួចរាល់»។
អង្គភាពរដ្ឋាករទឹកខេត្តមណ្ឌលគិរីបានអំពាវនាវឱ្យបងប្អូនប្រជាពលរដ្ឋទាំងអស់មេត្តាត្រៀមស្តុកទុកទឹកស្អាតសម្រាប់ប្រើប្រាស់ឱ្យបានគ្រប់គ្រាន់ ក្នុងអំឡុងពេលនៃដំណើរការអនុវត្តន៍ជួសជុលនេះ ហើយអង្គភាពរដ្ឋាករទឹកខេត្តមណ្ឌលគីរី សង្ឃឹមនិងជឿជាក់លើស្មារតីសហការយោគយល់ អធ្យាស្រ័យពីសំណាក់បងប្អូនប្រជាពលរដ្ឋដោយក្តីអនុគ្រោះ៕
