.jpg)
ភ្នំពេញៈ រដ្ឋបាលរាជធានីភ្នំពេញបានជូនដំណឹងពីការចែកវិញ្ញាបនបត្រសម្គាល់ម្ចាស់អចលនវត្ថុ និងមោឃភាពនៃប័ណ្ណសម្គាល់សិទ្ធិ កាន់កាប់ប្រើប្រាស់ដីធ្លីក្នុងភូមិដើមចាន់ សង្កាត់ពន្យាង ខណ្ឌព្រែកព្នៅចាប់ពីថ្ងៃទី ៤ ដល់ថ្ងៃទី ១០ ខែឧសភាឆ្នាំ ២០២២ នេះ។
រដ្ឋបាលរាជធានីភ្នំពេញបានជម្រាបជូនថា ម្ចាស់ក្បាលដីក្នុងតំបន់វិនិច្ឆ័យ ភូមិដើមចាន់ សង្កាត់ពន្យាង មន្ទីររៀបចំដែនដី នគរូបនីយកម្ម សំណង់ និងសុរិយោដី រាជធានីភ្នំពេញធ្វើការចែកវិញ្ញាបនបត្រសម្គាល់ម្ចាស់អចលនវត្ថុ (ប័ណ្ណកម្មសិទ្ធិ) ជូនដល់ម្ចាស់ក្បាលដីដែលស្ថិតនៅក្នុងតំបន់វិនិច្ឆ័យខាងលើចាប់ពីថ្ងៃទី ០៤ ខែឧសភាឆ្នាំ ២០២២។
សេចក្តីជូនដំណឹងបានបញ្ជាក់ថា៖ «ចំពោះប័ណ្ណសម្គាល់សិទ្ធិកាន់កាប់ប្រើប្រាស់ដីធ្លី (ប័ណ្ណស្លាបមាន់) ឬប័ណ្ណសម្គាល់សិទ្ធិកាន់កាប់អចលនវត្ត ដែលចេញដោយរដ្ឋបាលសុរិយោដីកន្លងមកក្នុងតំបន់នេះនឹងត្រូវអស់សុពលភាពតាមផ្លូវច្បាប់ ចាប់ពីថ្ងៃចែកវិញ្ញាបនបត្រសម្គាល់ម្ចាស់អចលនវត្ថុខាងលើនេះតទៅ»។ ហេតុនេះ ម្ចាស់ក្បាលដីស្ថិតក្នុងទីតាំងខាងលើ ដែលមានប័ណ្ណសម្គាល់សិទ្ធិកាន់កាប់ប្រើប្រាស់ដីធ្លី ឬ ប័ណ្ណសម្គាល់សិទ្ធិកាន់កាប់អចលនវត្តកន្លងមក មេត្តាយកប័ណ្ណទាំងនោះ មកប្រគល់ឱ្យមន្ត្រីរដ្ឋបាលសុរិយោដី នៅភូមិដើមចាន់ សង្កាត់ពន្យាង ខណ្ឌព្រែកព្នៅចាប់ពីថ្ងៃទី ០៤ ខែឧសភា ឆ្នាំ ២០២២ ដល់ថ្ងៃទី ១០ ខែ ឧសភា ឆ្នាំ ២០២២ ជាកំហិត។
ចំពោះម្ចាស់បំណុលដែលបានទទួលបញ្ចាំ ឬដាក់ធានាពាក់ព័ន្ធនឹងក្បាលដីក្នុងតំបន់វិនិច្ឆ័យខាងលើ ត្រូវយកប័ណ្ណទាំងនោះមកជូនមន្ត្រីរដ្ឋបាលសុរិយោដីធ្វើនិយ័តកម្ម ដើម្បីការធានាប្រាក់របស់ពួកគេ៕
