The Phnom Penh Post Search

Search form




Logo of Phnom Penh Post newspaper Phnom Penh Post - កម្លាំង​ជំនាញ​ស៊ីម៉ាក់​ប្រទះឃើញ​គ្រាប់បែក​ទម្លាក់​ពី​យន្តហោះ​ទម្ងន់​ជិត ​១ ​តោន​នៅក្នុង​ទន្លេ​បួន​មុខ

កម្លាំង​ជំនាញ​ស៊ីម៉ាក់​ប្រទះឃើញ​គ្រាប់បែក​ទម្លាក់​ពី​យន្តហោះ​ទម្ងន់​ជិត ​១ ​តោន​នៅក្នុង​ទន្លេ​បួន​មុខ

Content image - Phnom Penh Post

កម្លាំង​ជំនាញ​ស៊ីម៉ាក់​ប្រទះឃើញ​គ្រាប់បែក​ទម្លាក់​ពី​យន្តហោះ​ទម្ងន់​ជិត ​១ ​តោន​នៅក្នុង​ទន្លេ​បួន​មុខ

ភ្នំពេញៈ ​កម្លាំង​ជំនាញ​គ្រាប់​យុទ្ធភណ្ឌ​សង្គ្រាម​របស់​អង្គភាព​ស៊ីម៉ាក់​បាន​ប្រទះឃើញ​គ្រាប់បែក​ទម្លាក់​ពី​យន្តហោះ ប្រភេទ AN-M66 (​ឬ​ AN-M34) ទម្ងន់​ជិត ១ ​តោន​ស្ថិតនៅ​ទន្លេ​បួន​មុខ​ក្បែរ​សណ្ឋាគារ​សុខា​ភ្នំពេញ និង​ទល់មុខ​ព្រះបរមរាជវាំង​កាល​ថ្ងៃទី ៥ ខែឧសភា ឆ្នាំ​ ២០២២​។

លោក ហេង រតនា អគ្គនាយក​មជ្ឈមណ្ឌល​សកម្មភាព​កំចាត់មីន​កម្ពុជា (CMAC) បានឱ្យ​ដឹងថា ក្រោយ​ប្រទះឃើញ​គ្រាប់បែក កម្លាំង​ជំនាញ​គ្រាប់​យុទ្ធភណ្ឌ​សង្គ្រាម​របស់​អង្គភាព​ស៊ីម៉ាក់ បាន​ធ្វើការ​ត្រួតពិនិត្យ និង​បោសសម្អាត​គ្រាប់បែក​ទម្លាក់​ពី​យន្តហោះ​ប្រភេទ AN-M66 (​ឬ​AN-M34) នោះ​។

លោក​អគ្គនាយក​មជ្ឈមណ្ឌល​សកម្មភាព​កំចាត់មីន​កម្ពុជា​បានឱ្យដឹងថា គ្រាប់បែក​ទម្លាក់​ពី​យន្តហោះ​ប្រភេទ AN-M66 នេះ​មាន​ទម្ងន់​ជិត ១ ០០០ គីឡូក្រាម មាន​ជាតិ​ផ្ទុះ​ជាង ៥០០ ​គីឡូក្រាម ដែលមាន​ថាមពល​បង្ក​គ្រោះថ្នាក់​ខ្ពស់ ជា​គ្រាប់បែក​ផលិត​នៅ​សហរដ្ឋអាមេរិក និង​ជា​សំណល់​ពី​សង្គ្រាម​។

លោក​ថ្លែងថា​៖ «​ប្រសិនជា​ករណី​អាក្រក់​បំផុត​កើតឡើង​ដោយ​ការផ្ទុះ​គ្រាប់បែក​នេះ អាច​បង្ក​ការខូចខាត​ធ្ងន់ធ្ងរ​ដល់​សណ្ឋាគារ លំនៅឋាន​ប្រជាពលរដ្ឋ និង​ព្រះបរមរាជវាំង មិនខានឡើយ​! នេះ​ជា​សំណាង​មួយ​ល្អ​ណាស់​សម្រាប់​កម្ពុជា​» ។

លោក ហេង រតនា បន្តថា តាម​ទិន្នន័យ​ព័ត៌មាន​មាន​គ្រាប់បែក​ប្រភេទ AN-M66 នេះ​ចំនួន​ ១១ ​គ្រាប់​ក្នុងចំណោម​គ្រាប់​រាប់​លាន​គ្រាប់ ដែល​បាន​ទម្លាក់​នៅ​កម្ពុជា​។ លោក​បាន​ថ្លែង​អំណរគុណ​ដល់​អភិបាល​នៃ​គណ:អភិបាល​រាជធានី​ភ្នំពេញ ដែល​បាន​សហការ​យ៉ាង​ជិត​សិ្នទ្ធ​ជាមួយ​កម្លាំង​អង្គភាព​ស៊ីម៉ាក់ ក្នុង​ការជម្លៀស​គ្រាប់បែក​ដ៏ធំ​មួយ​នេះ​ចេញពី​ទីតាំង​រាជធានី​ភ្នំពេញ​ទៅរក​កន្លែង​សុវត្ថិភាព​ ដើម្បី​កម្លាំង​ជំនាញ​អង្គភាព​ស៊ីម៉ាក់​ធ្វើការ​ដោះ​បន្សាប ធានា​សុខ​សុវត្ថិភាព​ជូន​សង្គមជាតិ​៕

អត្ថបទគួរចាប់អារម្មណ៍