ភ្នំពេញៈ ក្រសួងសុខាភិបាលបានប្រកាសនៅថ្ងៃទី ៧ ខែឧសភា នេះថា កម្ពុជាបានរកឃើញអ្នកឆ្លងវីរុសកូវីដ ១៩ ចំនួន ២ នាក់បន្ថែមទៀតដែលជាប្រភេទមេរោគបំប្លែងថ្មីអូមីក្រុង និងជាករណីឆ្លងក្នុងសហគមន៍ ខណៈអ្នកជាសះស្បើយមាន ៥ នាក់ តែមិនមានអ្នកស្លាប់នោះទេ។
គិតត្រឹមព្រឹកថ្ងៃទី ៧ ខែឧសភា កម្ពុជាបានរកឃើញអ្នកឆ្លងវីរុសកូវីដ ១៩ សរុបចំនួន ១៣៦ ២៦២ នាក់ អ្នកជាសះស្បើយចំនួន ១៣៣ ១៧៧ នាក់ និងអ្នកស្លាប់សរុបមានចំនួន ៣ ០៥៦ នាក់ ខណៈករណីអូមីក្រុងឆ្លងក្នុងសហគមន៍សរុបមានចំនួន ១៤ ៤៥៩ ករណី៕