The Phnom Penh Post Search

Search form




Logo of Phnom Penh Post newspaper Phnom Penh Post - ទិវា​សត្វស្លាប​ទេសន្តរ​ប្រវេសន៍​ពិភព​លោក ឆ្នាំ​នេះ​ធ្វើ​ឡើង​ ក្រោម​ប្រធាន​បទ «ផល​ប៉ះពាល់ ​នៃការ​បំពុល​ដោយ​ពន្លឺ លើសត្វ​ស្លាប​ទេសន្តរ​ប្រវេសន៍»

ទិវា​សត្វស្លាប​ទេសន្តរ​ប្រវេសន៍​ពិភព​លោក ឆ្នាំ​នេះ​ធ្វើ​ឡើង​ ក្រោម​ប្រធាន​បទ «ផល​ប៉ះពាល់ ​នៃការ​បំពុល​ដោយ​ពន្លឺ លើសត្វ​ស្លាប​ទេសន្តរ​ប្រវេសន៍»

Content image - Phnom Penh Post
ស្លាកសញ្ញា​​ នៅក្នុង​ទិវាសត្វស្លាប​ទេសន្តរប្រវេសន៍​ពិភពលោក។ រូប​ថត ក្រសួង​បរិស្ថាន​

ទិវា​សត្វស្លាប​ទេសន្តរ​ប្រវេសន៍​ពិភព​លោក ឆ្នាំ​នេះ​ធ្វើ​ឡើង​ ក្រោម​ប្រធាន​បទ «ផល​ប៉ះពាល់ ​នៃការ​បំពុល​ដោយ​ពន្លឺ លើសត្វ​ស្លាប​ទេសន្តរ​ប្រវេសន៍»

កំពង់​ធំៈ លោក សៅ សុភាព រដ្ឋលេខា​ធិការ​ក្រសួង​បរិស្ថាន ប្រាប់​ភ្នំពេញ​ប៉ុស្តិ៍​ថា ការ​ផ្សព្វ​ផ្សាយ លើក​កំម្ពស់​ការ​យល់​ដឹង ពីការ​ការ​ពារ​និង​អភិរក្ស​សត្វ​ស្លាប់​ទេសន្ត​រ​វេសន៍​ ជារឿង​សំខាន់​ក្នុង​ការ​កាត់​បន្ថយ​ការ​គំរាម​កំហែង និង​ការ​បំពុល​ទៅ​ដល់ពពួក​សត្វ​ទាំង​នោះ ដែល​ធ្វើការ​ផ្លាស់​ទីទាំង​ជិត​និង​ឆ្ងាយ​ដើម្បី​ស្វែង​រក​ទីជម្រក​ និងប្រភព​ចំណីទៅ​តាម​រដូវ​កាល ដោយ​ឆ្លង​កាត់​កម្ពុជា​ ។ ​

លោក សៅ សុភាព ថ្លែងនៅ​ថ្ងៃទី ១១ ខែឧសភា​ថា កម្ពុជា​បាន​ចូល​រួម​នៅក្នុង​សហគមន៍​អន្តរ​ជាតិ​ ក្នុង​ការងារ​ផ្សព្វ​ផ្សាយ​ លើក​កម្ពស់​ការ​យល់​ដឹង អំពីការ​ការពារ​និង​អភិរក្ស​សត្វ​ស្លា​ប​ទេសន្តរ​វេសន៍ ដែល​ជាសត្វធ្វើ​ការ​ផ្លាស់ប្តូរ​តាម​រដូវ​កាល ​ហេតុ​នេះ​បើមិន​មាន​ការ​ផ្សព្វផ្សាយ​លើក​កម្ពស់​ការ​យល់ដឹង​ជាសាធា​រណៈ​ទេនោះ នឹង​អាច​នាំឱ្យស​ត្វស្លាប​ទាំងអ​ស់​នោះ ​ទទួល​រង​នូវ​ការគំរាម​កំហែង​ និង​ជួប​នូវ​បញ្ហា​បំពុល​ផង​ដែរ​។

លោក​ថា ក្នុង​ឆ្នាំ ២០២២​នេះ ទិវា​សត្វ​ស្លាប​ទេសន្តរ​ប្រវេស​ន៍​ពិភព​លោក ធ្វើ​ឡើង ក្រោម​ប្រធាន​បទ «ផល​ប៉ះពាល់​នៃការ​បំពុល​ដោយ​ពន្លឺ លើសត្វ​ស្លាប​ទេសន្តរ​ប្រវេសន៍​»។ កម្ពុជា​​បាន​ប្រារព្ធ​ទិវាសត្វ​ស្លាប​នេះ នៅថ្ងៃទី​១០ ខែឧសភា ​ក្នុង​វិទ្យាល័យ​ ជា ស៊ីម ប្រឡាយ ស្ថិត​ក្នុង​ឃុំ​ប្រឡាយ ស្រុក​ស្ទោង ខេត្ត​កំពង់​ធំ ដោយ​មាន​ការចូល​រួម ពីតំណាង​​មន្ទីរពាក់​ព័ន្ធ​នៃខេត្ត​កំពង់​ធំ អង្គការ​ដៃគូ អាជ្ញាធរ​មូល​ដ្ឋាន នាយក​សាលា តំណាង​សហគមន៍ លោក​គ្រូ អ្នក​គ្រូ និង​សិស្សានុ​សិស្ស​ប្រមាណ ៤០០​នាក់ ។

លោក សៅ សុភាព ប្រាប់​ថា គោល​បំណង​នៃការៀបចំ​នេះ​ គឺ​ដើម្បី​លើក​កម្ពស់ការ​យល់​ដឹង​អំពីផល​ប៉ះពាល់​ អវិជ្ជ​មាន​នៃការ​បំពុល​ពន្លឺ​លើសត្វ​ស្លាប​ទេសន្តរ​ប្រវេសន៍​ និង​ចូលរួម​កាត់​បន្ថយ​ការ​បំពុល​ដោយ​ពន្លឺ​។

លើស​ពី​នេះ គឺ​បង្កើន​ការ​យល់​ដឹង សម្រាប់​ការ​គ្រប់​គ្រង ធន​ធាន​ធម្ម​ជាតិ និង​អភិរក្ស​សត្វ​ស្លាប​ទេសន្ត​រ​ប្រវេសន៍ ព្រម​ទាំង បណ្តុះ​គំនិត​ស្មារតី​ ដល់​សាធា​រណ​ជន ជាពិសេស​សិក្សានុ​សិស្ស និង​សហ​គមន៍​មូល​ដ្ឋាន​ ឱ្យចេះ​ស្រលាញ់ ថែរ​ក្សា និង​ចូល​រួម​ការពារ​ទីជម្រក និង​កន្លែង​រកចំណី​របស់​សត្វ​ស្លាប​ទេសន្តរ​ប្រវេសន៍​ ។

លោក​បញ្ជាក់​ថា៖«​​ពន្លឺ​សិប្ប​និម្មិត អាច​នាំឱ្យ​មាន​ការ​រំខាន​ប៉ះពាល់​ដល់​ប្រភេទ​សត្វស្លាប​ទេសន្តរវេសន៍​ ជាពិសេស​ទេសន្ត​វេសន៍​រយៈ​ចម្ងាយ​ឆ្ងាយ ដែល​គាត់​មាន​ការ​វង្វេង​ទិស ​ឬក៏មាន​ការប៉ះ​ទង្គិច​ជាមួយ​នឹង​អគារ​ឬ​សំណង់​ខ្ពស់ៗ ​និងមាន​ការ​យល់​ច្រឡំ​និង​រំខាន​ទៅ​ដល់កា​រកំណត់​ពេល​វេលា​ហោះហើ​រ​របស់​សត្វ​ស្លាប់​ទេសន្ត​រវេស​ន៍»។

លោក​រដ្ឋលេខា​ធិការ ប្រាប់​ថា ​ចំពោះ​ផ្លូវ​ហោះហើរ​របស់​សត្វ​ទេសន្តរវេសន៍​នេះ សម្រាប់​កម្ពុជា​គឺស្ថិត​នៅក្នុង​បណ្តាញ​​​​​​​ផ្លូវហោះ​ហើរ​សត្វ​ស្លាប​អាស៊ីខាង​កើត-អូស្រ្តា​លី ដែល​កម្ពុជា​មាន​ច្រើន​កន្លែង​ផង​ដែរ​ ។​

លោក​ថ្លែង​ថា៖«​កន្លែង​ហោះ​ហើរ​នេះ គឺតំ​បន់​ដីសើម​បឹង​ទន្លេ​សាប​របស់​យើង​ គឺជា​តំបន់​មួយ​ មាន​សារ​សំខាន់​ ដែល​យើង​ឃើញ​ មាន​ដូច​ជា​នៅ​តំបន់​ព្រែក​ទាល់ តំបន់​អាង​ត្រពាំង​ថ្ម ខេត្ត​បន្ទាយ​មាន​ជ័យ នៅ​អន្លង់​ព្រីង​ខេត្ត​កំពត​ នៅបឹង​ស្នេហ៍ព័ន្ធ​តាឡី ខេត្ត​ព្រៃវែង និង​មាន​មួយ​កន្លែង​ទៀត​នៅ​ខេត្តតា​កែវ​» ។

​លោក​ ប៊ូ វរ​សក្ស ​នាយក​កម្មវិធី​ប្រចាំ​កម្ពុជា​ នៃ​អង្គការ​ជីវិត​សត្វ​ស្លាប​អន្ត​រ​ជាតិ​ ថ្លែង​នៅថ្ងៃទី​១១ ខែ​ឧសភាថា ​អង្គកា​ររបស់​លោក សហ​ការ​ជាមួយ​ក្រសួង​បរិស្ថាន​ បាន​ធ្វើ​សកម្ម​ភាព​អភិក្ស​ជា​ច្រើន​ចំពោះស​ត្វ​ស្លាប​ទេសន្តរ​វេសន៍​ ដែល​ផ្លាស់​ទីមក​កម្ពុជា។

សកម្ម​ភាព​អភិរក្ស​នោះ មាន​នៅ​តំបន់​ព្រែក​ល្ពៅ​ តំបន់​ភូមិ​ព្រីង និង​នៅ​ក្នុង​តំបន់​បឹង​ទន្លេសាប​មួយ​ចំនួន​ ដែល​គាំទ្រការ​រស់​នៅ​ក្នុង​អំឡុង​ពេល​ណាមួយ ​​នៃ​ប្រភេទ​សត្វ​ស្លាប​ទេសន្តរ​វេសន៍ ខណៈ​ការ​គំរាម​កំហែង​នៅតែ​បន្តកើត​មាន​។

លោក​ប្រាប់ថា​៖« កក្តា​គំរា​ម​កំហែង ដែលកំ​ពុង​កើត​ឡើង​នោះ គឺជា​កត្តា​ដោយ​ប្រយោល​គឺ មានការ​ប្រើប្រាស់​ជីគីមី​ ឬថ្នាំ​គីមី​ហួស​កម្រិត​​នៅតំបន់​ហ្នឹង ចង់​មិន​ចង់​គឺប៉ះពាល់​ដល់​ពួ​ក​វា​។ ​មាន​ការ​ទន្ទ្រាន​យក​ដី ឬដុត​ព្រៃ ដែល​ជាទីជម្រក​របស់វា​ ក្រៅពី​នោះ​ក៏មាន​ការ​ដាក់​អន្ទាក់​ដាក់​មង ដើម្បី​ចាប់​ពពួក​សត្វ​ទាំង​នោះ​ផង​ដែរ​» ៕ ​

អត្ថបទគួរចាប់អារម្មណ៍