ភ្នំពេញៈ បណ្តាញផ្សព្វផ្សាយលោកនាយករដ្ឋមន្ត្រី ហ៊ុន សែន អះអាងថា ប្រធានាធិបតីសហរដ្ឋអាមេរិកលោក Joe Biden នាថ្ងៃទី ១២ ឧសភា បានទទួលស្វាគមន៍ និងរៀបចំពិធីទទួលទានអាហារជូនដល់រូបលោក ដែលជាសហប្រធាននៃកិច្ចប្រជុំកំពូលអាស៊ាន-អាមេរិក និងប្រមុខដឹកនាំអាស៊ានទាំងអស់យ៉ាងកក់ក្ដៅបំផុត។
ប្រព័ន្ធ Telegram របស់លោក ហ៊ុន សែន បញ្ជាក់ថា៖ «សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងជាសហប្រធាននៃកិច្ចប្រជុំកំពូលអាស៊ាន-អាមេរិក រួមនឹងប្រមុខដឹកនាំអាស៊ាន ទាំងអស់ ត្រូវបានទទួលគារវកិច្ចស្វាគមន៍យ៉ាងកក់ក្ដៅបំផុតដោយលោក ប្រធានាធិបតីសហរដ្ឋអាមេរិក Joe Biden នៅសេតវិមាន (White House)»។
កិច្ចប្រជុំកំពូលអាស៊ាន-អាមេរិក ធ្វើឡើងនៅថ្ងៃទី ១២-១៣ ខែឧសភា នៅទីក្រុងវ៉ាស៊ីនតោន សហរដ្ឋអាមេរិក៕