The Phnom Penh Post Search

Search form




Logo of Phnom Penh Post newspaper Phnom Penh Post - អាជ្ញាធរ​ខេត្តកំពង់ធំ​ ​ប្រាប់​ពលរដ្ឋ​ឱ្យចូល​ខ្លួន​ប្រគល់​ឧបករណ៍​នេសាទ​ខុសច្បាប់​ត្រឹម​ថ្ងៃទី ៣១ ខែឧសភា​ជា​កំហិត

អាជ្ញាធរ​ខេត្តកំពង់ធំ​ ​ប្រាប់​ពលរដ្ឋ​ឱ្យចូល​ខ្លួន​ប្រគល់​ឧបករណ៍​នេសាទ​ខុសច្បាប់​ត្រឹម​ថ្ងៃទី ៣១ ខែឧសភា​ជា​កំហិត

Content image - Phnom Penh Post
សមត្ថកិច្ច​ខេត្ត​កំពង់ធំ ចុះ​ត្បាត​បឹង​ទន្លេសាប​នា​ពេល​កន្លង​មក។ រូបថត រដ្ឋបាល​ខេត្ត

អាជ្ញាធរ​ខេត្តកំពង់ធំ​ ​ប្រាប់​ពលរដ្ឋ​ឱ្យចូល​ខ្លួន​ប្រគល់​ឧបករណ៍​នេសាទ​ខុសច្បាប់​ត្រឹម​ថ្ងៃទី ៣១ ខែឧសភា​ជា​កំហិត

កំពង់ធំៈ រដ្ឋបាលខេត្ត​កំពង់ធំ​ប្រកាសប្រាប់​ប្រជា​នេសាទ​ទាំងអស់​ដែល​កំពុង​នេសាទ និង​រក្សាទុក​ឧបករណ៍​នេសាទ ល្មើសច្បាប់​ដូចជា អួន​អូស​ទឹកសាប ឧបករណ៍​ឆក់​ត្រី ម៉ាញ់ ឈិ​ប​យន្ត កន្ត្រក​អូស​លៀស​ដោយ​ម៉ាស៊ីន​ជាដើម ត្រូវ​ប្រគល់ជូន​អាជ្ញា​ធរមាន​សមត្ថកិច្ច​ឲ្យ​រួចរាល់​យ៉ាងយូរ​ត្រឹម​ថ្ងៃទី​ ៣១ ខែឧសភា​ជា​កំហិត បើ​មិន​ដូច​នោះទេ នឹង​ចាត់វិធានការ​តាម​នីតិវិធី​ច្បាប់​ជា​ធរមាន​។

​តាម​សេចក្តីជូនដំណឹង​របស់​រដ្ឋបាលខេត្ត​កំពង់ធំ​ស្តីពី​ការដកហូត​ឧបករណ៍​នេសាទ​ល្មើសច្បាប់​គ្រប់​ប្រភេទ ក្នុងភូមិ​សាស្ត្រ​ខេត្តកំពង់ធំ ដែល​ភ្នំពេញ​ប៉ុស្តិ៍​ទទួលបាន​នៅ​ថ្ងៃទី​១៤ ខែឧសភា​នេះ បានឱ្យដឹងថា ដើម្បី​ចូលរួម​ទប់ស្កាត់​បទល្មើស​ជលផល នៅក្នុង​ដែន​នេសាទ​ក្នុង​ខេត្តកំពង់ធំ និង​ដើម្បី​ប្រើប្រាស់​ធនធាន ជលផល​ប្រកបដោយ​និរន្តរភាព ស្របតាម​ខ្លឹមសារ​ច្បាប់​ស្តីពី​ជលផល និង​បទបញ្ជា​របស់លោក​នាយ​ក​រដ្ឋមន្ត្រី ហ៊ុន សែន កាលពី​ថ្ងៃទី ​២៣ ខែ មីនា ឆ្នាំ​ ២០២២​។

​រដ្ឋបាលខេត្ត​កំពង់ធំ បានដាក់​ឱសានវាទ​ចំពោះ​ប្រជា​នេសាទ​ទាំងអស់​ដែល​កំពុង​នេសាទ និង​រក្សាទុក​ឧបករណ៍​នេសាទ ល្មើសច្បាប់​មានដូចជា​៖ អួន​អូស​ទឹកសាប ឧបករណ៍​ឆក់​ត្រី ម៉ាញ់ ឈិ​ប​យន្ត កន្ត្រក​អូស​លៀស​ដោយ​ម៉ាស៊ីន និង ឧបករណ៍​នេសាទ ដែល​បង្កើត​ថ្មី ឬ​ឧបករណ៍​នេសាទ ដែល​គ្មាន​កំណត់​ក្នុង​ប្រកាស​របស់​ក្រសួងកសិកម្ម រុក្ខាប្រមាញ់ និង​នេសាទ ព្រមទាំង​ឧបករណ៍​ល្មើសច្បាប់​ដទៃទៀត ត្រូវ​ប្រគល់ជូន​អាជ្ញា​ធរមាន​សមត្ថកិច្ច នៅក្នុង​មូលដ្ឋាន​រៀងៗ​ខ្លួន ចាប់ពី​ថ្ងៃទី​១២ រហូតដល់​ថ្ងៃទី​៣១ ខែឧសភា ឆ្នាំ​២០២២ ជា​កំហិត​។ បន្ថែម​លើ​នោះ អាជ្ញាធរ​ខេត្តកំពង់ធំ​ស្នើឱ្យ​ពលរដ្ឋ​បញ្ជាប់​ការប្រើ​ថ្នាំពុល​ដែល​ប៉ះពាល់​ដល់​ធនធាន​ជលផល​ផងដែរ​។

​រដ្ឋបាលខេត្ត​កំពង់ធំ​បញ្ជាក់ថា​៖«​សូម​បងប្អូន​ប្រជា​នេសាទ​ទាំងអស់​ត្រូវ​បញ្ឈប់​ជាបន្ទាន់​នូវ​ការប្រើប្រាស់​ថ្នាំពុល សារធាតុ​គីមី និង​សកម្មភាព​ដទៃទៀត ដែល​បណ្ដាលឱ្យ ប៉ះពាល់​ដល់​ធនធាន​ជលផល​។ ករណី មិន​អនុវត្តតាម​សេចក្តីជូនដំណឹង​នេះ អាជ្ញា​ធរមាន​សមត្ថកិច្ច​គ្រប់​ជាន់ថ្នាក់ នឹង​ចាត់វិធានការ​តាម​នីតិវិធី​ច្បាប់​ជា​ធរមាន​»​។​

​រដ្ឋបាលខេត្ត​កំពង់ធំ​បាន​ប្រាប់​ទៅដល់​ស្នងការ​នគរបាល​ខេត្តកំពង់ធំ មេបញ្ជាការ​កងរាជអាវុធហត្ថ​ខេត្ត ប្រធាន​មន្ទីរ កសិកម្ម រុក្ខាប្រមាញ់ និង​នេសាទ​ខេត្ត ប្រធាន​មន្ទីរ​បរិស្ថាន​ខេត្ត អភិបាល​នៃ​គណៈ​អភិបាលក្រុង​/​ស្រុក រដ្ឋបាល​ឃុំ​/​សង្កាត់​ពាក់ព័ន្ធ និង​បងប្អូន​ប្រជា​នេសាទ​ទាំងអស់ ត្រូវ​ចូលរួម​សហការ​អនុវត្ត​តាម​ឱ្យមាន​ប្រសិទ្ធភាព និង​ប្រកបដោយ​ស្មារតី​ទទួលខុសត្រូវ​ខ្ពស់​៕

​​

អត្ថបទគួរចាប់អារម្មណ៍