.jpg)
កម្ពុជានៅតែបន្តរកមិនឃើញអ្នកឆ្លងកូវីដបន្ថែម ខណៈអ្នកទើបជាសះស្បើយថ្មីមានម្នាក់ និងគ្មានអ្នកស្លាប់។
ភ្នំពេញៈ ក្រសួងសុខាភិបាលបានប្រកាសមិនមានការរកឃើញអ្នកឆ្លងវីរុសកូវីដ ១៩ បន្ថែមទៀតឡើយ ខណៈមានអ្នកជាសះស្បើយថ្មីចំនួនម្នាក់ និងមិនមានអ្នកស្លាប់ដោយសារជំងឺនេះបន្ថែមទៀតឡើយ។
យោងតាមសេចក្តីប្រកាសរបស់ក្រសួងសុខាភិបាលនៅថ្ងៃទី ១៨ ខែឧសភានេះ បានបញ្ជាក់ថា ក្រសួងមិនមានការរកឃើញអ្នកឆ្លងកូវីដ១៩ថ្មីឡើយក្នុងទូទាំងប្រទេសកម្ពុជា ដែលមកទល់ពេលនេះកម្ពុជាមិនមានអ្នកឆ្លងវីរុស រយៈពេល ១១ ថ្ងៃជាប់ៗគ្នា។
គិតត្រឹមព្រឹកថ្ងៃទី ១៨ ខែ ឧសភា ឆ្នាំ ២០២២ កម្ពុជាមានអ្នកឆ្លងវីរុសកូវីដ ១៩ សរុបទូទាំងប្រទេសចំនួន ១៣៦ ២៦២ នាក់ អ្នកជាសះស្បើយ សរុបចំនួន ១៣៣ ១៩៨ នាក់ និងអ្នកស្លាប់មានចំនួន ៣ ០៥៦ នាក់៕
