ភ្នំពេញៈ ក្រសួងសុខាភិបាលបានប្រកាសថា មិនមានការរកឃើញអ្នកឆ្លងវីរុសកូវីដ ១៩ មិនមានអ្នកជាសះស្បើយបន្ថែម និងមិនមានអ្នកស្លាប់ ដោយសារជំងឺនេះថ្មីទៀតផងដែរ។
យោងតាមសេចក្តីប្រកាសរបស់ក្រសួងសុខាភិបាលនៅថ្ងៃទី ១៩ ខែឧសភានេះ បានបញ្ជាក់ថា ក្រសួងមិនមានការរកឃើញអ្នកឆ្លងកូវីដ ១៩ ថ្មីឡើយ ក្នុងទូទាំងប្រទេសកម្ពុជា ដែលមកទល់ពេលនេះកម្ពុជាមិនមានអ្នកឆ្លងវីរុសរយៈពេល ១២ ថ្ងៃហើយ។
គិតត្រឹមព្រឹកថ្ងៃទី ១៩ ខែ ឧសភា ឆ្នាំ ២០២២ កម្ពុជាមានអ្នកឆ្លងវីរុសកូវីដ ១៩ សរុបទូទាំងប្រទេសចំនួន ១៣៦ ២៦២ នាក់ អ្នកជាសះស្បើយ សរុបចំនួន ១៣៣ ១៩៨ នាក់ និងអ្នកស្លាប់មានចំនួន ៣ ០៥៦ នាក់៕