ក្រសួងសុខាភិបាលបានប្រកាសមិនមានការរកឃើញអ្នកឆ្លងវីរុសកូវីដ ១៩ ឡើយ ឯអ្នកស្លាប់ដោយសារមេរោគកូវីដ ១៩ ក៏មិនមានដែរ ខណៈមានអ្នកជាសះស្បើយបន្ថែមចំនួន ៣ នាក់។
យោងតាមសេចក្តីប្រកាសរបស់ក្រសួងសុខាភិបាលនៅថ្ងៃទី ២០ ខែឧសភានេះ បានបញ្ជាក់ថា ក្រសួងមិនមានការរកឃើញអ្នកឆ្លងកូវីដ ១៩ ថ្មីឡើយទូទាំងប្រទេសកម្ពុជា ដែលមានរយៈពេល ១៣ ថ្ងៃហើយ ដែលកម្ពុជាមិនមានអត្រាឆ្លងថ្មីនៃមេរោគកូវីដ ១៩។
គិតត្រឹមព្រឹកថ្ងៃទី ២០ ខែ ឧសភា ឆ្នាំ ២០២២ កម្ពុជាមានអ្នកឆ្លងវីរុសកូវីដ ១៩ សរុបទូទាំងប្រទេសចំនួន ១៣៦ ២៦២ នាក់ អ្នកជាសះស្បើយសរុបចំនួន ១៣៣ ២០១ នាក់ និងអ្នកស្លាប់មានចំនួន ៣ ០៥៦ នាក់៕