ក្រសួងសុខាភិបាលបានប្រកាសមិនមានការរកឃើញអ្នកឆ្លងវីរុសកូវីដ ១៩ ឡើយ និងមិនមានអ្នកស្លាប់ ដោយសារមេរោគកូវីដ ១៩ នោះទេ ហើយអ្នកជាសះស្បើយពីមេរោគនេះក៏មិនមានដែរ។
យោងតាមសេចក្តីប្រកាសរបស់ក្រសួងសុខាភិបាលនៅថ្ងៃទី ២១ ខែឧសភានេះ បានបញ្ជាក់ថា ក្រសួងមិនមានការរកឃើញអ្នកឆ្លងកូវីដ ១៩ ថ្មីឡើយក្នុងទូទាំងប្រទេសកម្ពុជា ដែលមានរយៈពេល ១៤ ថ្ងៃ ហើយដែលកម្ពុជាមិនមានអត្រាឆ្លងថ្មីនៃមេរោគកូវីដ ១៩។
គិតត្រឹមព្រឹកថ្ងៃទី ២១ ខែ ឧសភា ឆ្នាំ ២០២២ កម្ពុជាមានអ្នកឆ្លងវីរុសកូវីដ ១៩ សរុបទូទាំងប្រទេសចំនួន ១៣៦ ២៦២ នាក់ អ្នកជាសះស្បើយសរុបចំនួន ១៣៣ ២០១ នាក់ និងអ្នកស្លាប់មានចំនួន ៣ ០៥៦ នាក់៕