.jpg)
ភ្នំពេញៈ ក្រសួងសុខាភិបាលបានប្រកាសថា មិនមានការរកឃើញអ្នកឆ្លងវីរុសកូវីដ ១៩ មិនមានអ្នកជាសះស្បើយបន្ថែម និងក៏មិនមានអ្នកស្លាប់ដោយសារមេរោគកូវីដ ១៩ ផងដែរ។
យោងតាមសេចក្តីប្រកាសរបស់ក្រសួងសុខាភិបាលបានឱ្យដឹងថា សម្រាប់លទ្ធផលប្រចាំថ្ងៃទី ២៣ ខែឧសភា ក្រសួងមិនមានការរកឃើញអ្នកឆ្លងកូវីដ ១៩ ថ្មីឡើយ នៅទូទាំងប្រទេសកម្ពុជា។ មកដល់ពេលនេះ កម្ពុជាមិនមានអ្នកឆ្លងវីរុសរយៈពេល ១៧ ថ្ងៃហើយ។ រីឯអ្នកជំងឺដែលកំពុងសម្រាកព្យាបាលនៅមន្ទីរពេទ្យមានចំនួន ៨ នាក់ប៉ុណ្ណោះ។
គិតត្រឹមព្រឹកថ្ងៃទី ២៤ ខែ ឧសភា ឆ្នាំ ២០២២ កម្ពុជាមានអ្នកឆ្លងវីរុសកូវីដ ១៩ សរុបទូទាំងប្រទេសចំនួន ១៣៦ ២៦២ នាក់ អ្នកជាសះស្បើយ សរុបចំនួន ១៣៣ ២០១ នាក់ និងអ្នកស្លាប់មានចំនួន ៣ ០៥៦ នាក់៕
