ត្បូងឃ្មុំៈ លោកឧត្តមសេនីយ៍ត្រី ម៉ុន មាគ៌ា ស្នងការនគរបាលខេត្តត្បូងឃ្មុំ និងក្រុមការងារ នៅថ្ងៃទី ២៦ ខែឧសភា បានអញ្ជើញអមដំណើរ លោកឧត្តមសេនីយ៍ឯក វូ ហាក់ ប្រធាននាយកដ្ឋាននគរបាលបច្ចេកទេសព្រំដែន ចុះត្រួតពិនិត្យទីតាំងដើម្បីរៀបចំសាងសង់អគារធ្វើការ និងផ្ទះបាយ សម្រាប់ប៉ុស្តិ៍នគរបាលការពារព្រំដែនគោកថ្មីចំនួន ៣ កន្លែង នៅតាមបណ្តោយព្រំដែនកម្ពុជា-វៀតណាម នៅក្នុងខេត្តត្បូងឃ្មុំ។
បើតាមអគ្គស្នងការដ្ឋាននគរបាលជាតិ ប៉ុស្តិ៍នគរបាលការពារព្រំដែនគោក ដែលនឹងត្រូវសាងសង់អគារធ្វើការ និងផ្ទះបាយចំនួន ៣ កន្លែង នោះមានប៉ុស្តិ៍នគរបាលការពារព្រំដែនគោក តាអាំ ប៉ុស្តិ៍នគរបាលការពារព្រំដែនគោកស្អំ នៃវរសេនាតូចនគរបាលការពារព្រំដែនគោកលេខ ៦១៥ ស្ថិតនៅក្នុងស្រុកពញាក្រែក។
ចំណែកមួយកន្លែងទៀត គឺប៉ុស្តិ៍នគរបាលការពារព្រំដែនគោកកោះថ្មនៃវរសេនាតូចនគរបាលការពារព្រំដែនគោកលេខ ៦១៧ ស្ថិតនៅក្នុងស្រុកមេមត់ ខេត្តត្បូងឃ្មុំ ៕