The Phnom Penh Post Search

Search form




Logo of Phnom Penh Post newspaper Phnom Penh Post - លិខិតអនុញ្ញាតសាងសង់ចំនួន ៤៥ គម្រោង ត្រូវបានមន្ទីរដែនដីខេត្តព្រះសីហនុចេញ ដែលមានទុនវិនិយោគសរុបជាង ៤៧ លានដុល្លារ ក្នុងរយៈពេល ៤ ខែដើមឆ្នាំនេះ

លិខិតអនុញ្ញាតសាងសង់ចំនួន ៤៥ គម្រោង ត្រូវបានមន្ទីរដែនដីខេត្តព្រះសីហនុចេញ ដែលមានទុនវិនិយោគសរុបជាង ៤៧ លានដុល្លារ ក្នុងរយៈពេល ៤ ខែដើមឆ្នាំនេះ

Content image - Phnom Penh Post

លិខិតអនុញ្ញាតសាងសង់ចំនួន ៤៥ គម្រោង ត្រូវបានមន្ទីរដែនដីខេត្តព្រះសីហនុចេញ ដែលមានទុនវិនិយោគសរុបជាង ៤៧ លានដុល្លារ ក្នុងរយៈពេល ៤ ខែដើមឆ្នាំនេះ

ព្រះសីហនុៈ មន្ទីររៀបចំដែនដី នគរូបនីយកម្ម សំណង់ និងសុរិយោដីខេត្តព្រះសីហនុបានឱ្យដឹងថា មន្ទីរបានផ្តល់លិខិតអនុញ្ញាតសាងសង់ចំនួន ៤៥ គម្រោង ដែលមានទុនវិនិយោគសរុប ៤៧ ៦១៦ ២៧១ ដុល្លារអាមេរិក ចាប់ពីខែមករា រហូតដល់ខែមេសា ឆ្នាំ ២០២២ នេះ។ នេះបើយោងតាមក្រសួងព័ត៌មាននៅថ្ងៃទី ២៧ ខែឧសភានេះ។

លិខិតអនុញ្ញាតសាងសង់ចំនួន ៤៥ គម្រោងនោះ មានផ្ទៃក្រឡាសំណង់សរុប ៨៤ ៧៨៨ ម៉ែត្រក្រឡា។ ក្នុងនោះមាន សំណង់សមត្ថកិច្ចក្រសួងចំនួន ៦ គម្រោងមានផ្ទៃ ក្រឡាសំណង់សរុប ៥៦ ៥៦២ ម៉ែត្រក្រឡា មានទុនវិនិយោគសរុប ៣៣ ៩៣៧ ២០០ ដុល្លារអាមេរិក, សំណង់សមត្ថកិច្ចខេត្តចំនួន ១៣ គម្រោងមានផ្ទៃក្រឡាសំណង់សរុប ២៣ ៥៨៧ ម៉ែត្រក្រឡា ដែលមានទុនវិនិយោគសរុប ១១ ៧៩២ ៦០០ ដុល្លារអាមេរិក, សំណង់សមត្ថកិច្ចក្រុងចំនួន ២៦ គម្រោងមានផ្ទៃ ក្រឡាសំណង់សរុប ៤ ៦៣៩ ម៉ែត្រការ៉េ និងទុនវិនិយោគសរុប ១ ៨៨៦ ៤៧១ ដុល្លារអាមេរិកផងដែរ។

ប្រភពដដែលបានឱ្យដឹងថា ក្នុងនោះគម្រោងទាំងនោះក៏មាន ៣ គម្រោង ត្រូវបានមន្ទីរចេញលិខិតឱ្យជូនម្ចាស់ធ្វើការកែសម្រួលប្លង់ និងបន្ថែមឯកសារពាក់ព័ន្ធនឹងបច្ចេកទេសផងដែរ។

មន្ទីរដែនដីខេត្តក៏បានស្នើឱ្យម្ចាស់ការដ្ឋានសំណង់ទាំងអស់ ដែលទទួលបានលិខិតអនុញ្ញាតសាងសាង់ ត្រូវតែអនុវត្តឱ្យបានត្រឹមត្រូវតាមលក្ខណៈស្តង់ដា បច្ចេកទេសដែលក្រសួង និងមន្រ្តីជំនាញបានកំណត់ ដើម្បីចៀសវាងនូវបញ្ហាណាមួយកើតឡើងជាយថាហេតុ។

ចាប់ពីឆ្នាំ ២០១៧ រហូតមកដល់ពេលបច្ចុប្បន្ននេះ មន្ទីរបានផ្តល់លិខិតអនុញ្ញាតសាងសង់ជាង ១ ៧៣១ គម្រោង ដែលមានផ្ទៃក្រឡាសំណង់សរុប ១៥.៤៨១.៦១៥ ម៉ែត្រក្រឡា និងមានទុនវិនិយោគសរុប ៨.៤៧២.៤៨៣.៤២៧ ដុល្លារអាមេរិក។ ក្នុងនោះ ភាគច្រើននៃគម្រោង ដែលបានស្នើសុំសាងសង់ រួមមានគម្រោងអគារស្នាក់នៅរួម អគារពាណិជ្ជកម្ម អគារសណ្ឋាគារ និងអគារពហុមុខងារ។ ភាគច្រើនជាអគារខ្ពស់ៗមានកម្ពស់រហូតដល់ ៥៣ ជាន់ និងមានគម្រោងតំបន់សេដ្ឋកិច្ចពិសេស តំបន់ឧស្សាហកម្ម និងរោងចក្រផ្សេងៗទៀតជាដើម ក្នុងគោលបំណងទ្រទ្រង់ឱ្យវិស័យសេដ្ឋកិច្ចកម្ពុជា។ នេះបើយោងតាមក្រសួងព័ត៌មានដដែលនេះ៕

អត្ថបទគួរចាប់អារម្មណ៍