The Phnom Penh Post Search

Search form




Logo of Phnom Penh Post newspaper Phnom Penh Post - គជបៈ រយៈពេល ៦ ថ្ងៃ ការ​ឃោសនា​បោះឆ្នោត​ប្រព្រឹត្ត​ទៅ​រលូន រក្សា​បាន​នូវ​សន្តិសុខ

គជបៈ រយៈពេល ៦ ថ្ងៃ ការ​ឃោសនា​បោះឆ្នោត​ប្រព្រឹត្ត​ទៅ​រលូន រក្សា​បាន​នូវ​សន្តិសុខ

Content image - Phnom Penh Post
​គណបក្សភ្លើងទៀនឃោសនា​បោះឆ្នោត នាពេលថ្មីៗនេះ។ រូបថត ហ្វេសប៊ុក

គជបៈ រយៈពេល ៦ ថ្ងៃ ការ​ឃោសនា​បោះឆ្នោត​ប្រព្រឹត្ត​ទៅ​រលូន រក្សា​បាន​នូវ​សន្តិសុខ

ភ្នំពេញៈ គណៈកម្មាធិការ​ជាតិ​រៀបចំ​ការ​បោះឆ្នោត (គជប) អះអាង​ថា ក្នុង​រយៈពេល ៦ ថ្ងៃ កន្លង​មក​នេះ ការ​ឃោសនា​បោះឆ្នោត​ឃុំ-សង្កាត់ របស់​គណបក្ស​នយោបាយ​បាន​ប្រព្រឹត្ត​ទៅ​ដោយ​រលូន ដោយ​រក្សា​បាន​នូវ​សន្តិសុខ សុវត្ថិភាព និង​សណ្តាប់​ធ្នាប់​របៀប​រៀបរយ។

លោក ហង្ស ពុទ្ធា សមាជិក​គណៈកម្មាធិការ​ជាតិ​រៀបចំ​ការ​បោះឆ្នោត (គជប) បាន​ថ្លែង​ក្នុង​កិច្ច​ប្រជុំ​ជាមួយ​ភាគី​ពាក់ព័ន្ធ នាថ្ងៃទី ២៧ ខែ​ឧសភា​ថា៖ «ក្នុង​រយៈពេល ៦ ថ្ងៃ​កន្លង​មក​នេះ ការ​ឃោសនា​បោះឆ្នោត​របស់​គណបក្ស​នយោបាយ​នៅ​តាម​បណ្តា​ខេត្ត និង​រាជធានី បាន​ប្រព្រឹត្ត​ទៅ​ដោយ​រលូន មាន​ការ​យោគយល់​អធ្យាស្រ័យ​គ្នា​ខ្ពស់ មាន​កិច្ច​សហការ​ពី​បណ្តា​ភាគី​ពាក់ព័ន្ធ​នានា​បាន​ល្អ​ប្រសើរ ដែល​រក្សា​បាន​នូវ​សន្តិសុខ សុវត្ថិភាព និង​សណ្តាប់​ធ្នាប់​របៀប​រៀបរយ​ក្នុង​ឃុំ-សង្កាត់»។

លោក​ថ្លែង​ថា គណបក្ស​នយោបាយ​ដែល​បាន​ចូលរួម​ឃោសនា​បោះ​ឆ្នោត​បាន​សហការ​ផ្តល់​ព័ត៌មាន និង​គោរព​តាម​ការ​រៀបចំ ចាត់ចែង និង​សម្របសម្រួល​ពី​អាជ្ញាធរ​មូលដ្ឋាន និង​គណៈកម្មការ​ឃុំ-សង្កាត់ រៀបចំ​ការ​បោះឆ្នោត (គឃ.សប) ហើយ​គោរព​បាន​នូវ​ក្រម​សីលធម៌​ក្នុង​ការ​ឃោសនា​បោះ​ឆ្នោត។

លោក ហង្ស ពុទ្ធា បន្ថែម​ថា អាជ្ញាធរ​មូលដ្ឋាន​បាន​ផ្តល់​កិច្ចសហការ ជួយ​សម្របសម្រួល រក្សា​សន្តិសុខ សុវត្ថិភាព និង​រក្សា​សណ្តាប់​ធា្នប់​ក្នុងឃុំ សង្កាត់ ពិសេស​សណ្តាប់​ធ្នាប់​សាធារណៈ​ដោយ​ពុំ​មាន​ការ​រើសអើង៕

អត្ថបទគួរចាប់អារម្មណ៍