The Phnom Penh Post Search

Search form




Logo of Phnom Penh Post newspaper Phnom Penh Post - គ​.​ជ​.​ប នឹង​រៀបចំ​កិច្ចប្រជុំ​ផ្សព្វផ្សាយ​ជាមួយ​ភាគី​ពាក់ព័ន្ធ ស្តីពី​ការបិទ​បញ្ចប់ ឃោសនាបោះឆ្នោត​ជ្រើសរើស​ក្រុមប្រឹក្សាឃុំ-សង្កាត់ នៅ​ថ្ងៃទី ​៣ មិថុនា​

គ​.​ជ​.​ប នឹង​រៀបចំ​កិច្ចប្រជុំ​ផ្សព្វផ្សាយ​ជាមួយ​ភាគី​ពាក់ព័ន្ធ ស្តីពី​ការបិទ​បញ្ចប់ ឃោសនាបោះឆ្នោត​ជ្រើសរើស​ក្រុមប្រឹក្សាឃុំ-សង្កាត់ នៅ​ថ្ងៃទី ​៣ មិថុនា​

Content image - Phnom Penh Post

គ​.​ជ​.​ប នឹង​រៀបចំ​កិច្ចប្រជុំ​ផ្សព្វផ្សាយ​ជាមួយ​ភាគី​ពាក់ព័ន្ធ ស្តីពី​ការបិទ​បញ្ចប់ ឃោសនាបោះឆ្នោត​ជ្រើសរើស​ក្រុមប្រឹក្សាឃុំ-សង្កាត់ នៅ​ថ្ងៃទី ​៣ មិថុនា​

ភ្នំពេញៈ គណៈកម្មាធិការ​ជាតិ​រៀបចំ​ការបោះឆ្នោត (​គ​.​ជ​.​ប​) នឹង​រៀបចំ​កិច្ចប្រជុំ​ផ្សព្វផ្សាយ​ជាមួយ​ភាគី​ពាក់ព័ន្ធ ស្តីពី​ការបិទ​បញ្ចប់ ឃោសនាបោះឆ្នោត​ជ្រើសរើស​​ក្រុមប្រឹក្សាឃុំ សង្កាត់ អាណត្តិ​ទី​៥ ឆ្នាំ​ ២០២២ នៅ​ថ្ងៃទី ៣ ខែ មិថុនា ឆ្នាំ​ ២០២២​។​

​យោងតាម​សេចក្តីប្រកាស​ព័ត៌មាន​នៅ​ថ្ងៃទី ២៨ ខែឧសភា​នេះ​បញ្ជាក់ថា កិច្ចប្រជុំ​នេះ នឹង​ផ្តោត​សំខាន់​ទៅលើ​ការសរុប​ព្រឹត្តិការណ៍​ទូទៅ​នៃ​ដំណើរការ​ឃោសនាបោះឆ្នោត​ជ្រើសរើស ក្រុមប្រឹក្សាឃុំ សង្កាត់ អាណត្តិ​ទី​៥ ឆ្នាំ​២០២២, ការបិទ​ដំណើរការ​ឃោសនាបោះឆ្នោត​, និង ការបិទ​ផ្សាយ​បញ្ជី​បោះឆ្នោត​ផ្លូវការ​នៅតាម​ការិយាល័យ​បោះឆ្នោត​។​

​កិច្ចប្រជុំ​នេះ​នឹង​ប្រព្រឹត្ត​ទៅនា​ថ្ងៃ​សុក្រ ទី​៣ ខែមិថុនា ឆ្នាំ​២០២២ វេលា​ម៉ោង ៤:០០​នាទី​ល្ងាច នៅ​សាលសន្និសីទ​ជាន់​ទី​១ នៃ​ទីស្តីការ គ​.​ជ​.​ប ក្រោម​អធិបតីភាព លោក ឌឹ​ម សុ​វណ្ណា​រុំ សមាជិក គ​.​ជ​.​ប និង​ជា​ប្រធាន​ដឹកនាំ​កិច្ចប្រជុំ​។​

​យោងតាម​សេចក្តីប្រកាស​ព័ត៌មាន​របស់​គ​.​ជ​.​ប​បញ្ជាក់ថា ជារួម​សភាពការណ៍​ទូទៅ នៃ​ដំណើរការ​ឃោសនាបោះឆ្នោត​របស់​គណបក្សនយោបាយ​ទាំង​១៧ ចាប់តាំងពី​ថ្ងៃទី ២១ ខែឧសភា ឆ្នាំ ២០២២​រហូតមកទល់​ថ្ងៃទី ២៧ ខែឧសភា ឆ្នាំ ២០២២ បាន​ប្រព្រឹត្ត​ទៅក្នុង​បរិយាកាស​មាន​សន្តិសុខ សុវត្ថិភាព សណ្តាប់ធ្នាប់​ល្អ គ្មាន​អំពើហិង្សា និង​គ្មាន​ការគំរាមកំហែង​។​

​សូម​ជម្រាបជូន​ថា ការឃោសនាបោះឆ្នោត​ជ្រើសរើស​ក្រុមប្រឹក្សាឃុំ សង្កាត់ អាណត្តិ​ទី​៥ ឆ្នាំ​២០២២ មាន​រយៈពេល ១៤​ថ្ងៃ ចាប់ពី​ថ្ងៃទី​២១ ខែឧសភា ដល់​ថ្ងៃទី​៣ ខែមិថុនា ឆ្នាំ​២០២២ ហើយ​គ្រប់​សកម្មភាព​ឃោសនា​ត្រូវគោរព​ច្បាប់ បទបញ្ជា និង​នីតិវិធី រួមទាំង​សេចក្ដីណែនាំ​របស់ គ​.​ជ​.​ប​៕​

អត្ថបទគួរចាប់អារម្មណ៍