ភ្នំពេញៈ សមាជិកសមាគមក្រុមស្ម័គ្រចិត្តបារាំងចំនួន ៣៥រូប ដឹកនាំដោយ លោកស្រី សុខ វរល័ក្ខ នៅថ្ងៃទី២៨ ខែឧសភា នេះ បានមកទស្សនា និងសិក្សាស្វែងយល់អគារប្រវត្តិសាស្រ្តនានា ក្នុងបរិវេណស្ថាប័នព្រឹទ្ធសភាដែលមានទីតាំងស្ថិតនៅតាមបណ្តោយមហាវិថីព្រះនរោត្តម ជាប់វិមាន ៧មករា (គណបក្សប្រជាជនកម្ពុជា)។
នាយកដ្ឋានព័ត៌មាននៃព្រឹទ្ធសភា បានឱ្យដឹងថា វិមានព្រឹទ្ធសភា គឺជាអតីតវិមានរដ្ឋចំការមនដែលត្រូវបានកសាងឡើងក្នុងទសវត្សរ៍ទី៥០ ដោយព្រះករុណាព្រះបាទសម្តេចព្រះនរោត្តម សីហនុ ព្រះបរមរតនកោដ្ឋ។
បច្ចុប្បន្នវិមានរដ្ឋចំការមន គឺជាកន្លែងធ្វើការរបស់ស្ថាប័នកំពូលៗចំនួន ៣ស្ថាប័ន គឺព្រឹទ្ធសភា ក្រុមប្រឹក្សាធម្មនុញ្ញ និងឧត្តមក្រុមប្រឹក្សានៃអង្គចៅក្រម៕