ដើម្បីផ្សព្វផ្សាយប្រពៃណីដ៏ល្អរបស់ប្រជាជាតិចិន ក៏ដូចជាលើកកម្ពស់ទំនាក់ទំនងនិងការអភិវឌ្ឍវប្បធម៌រវាងកម្ពុជានិងចិនឱ្យកាន់តែប្រសើរឡើង នៅថ្ងៃទី ០៣ ខែមិថុនា ឆ្លៀតក្នុងឱកាសបុណ្យសែននំចាំងប្រពៃណីចិន សមាគមជំរុញឧស្សាហកម្មវប្បធម៌និងទេសចរណ៍ កម្ពុជា-ចិន និងវិទ្យាស្ថាន ខុងជឺ នៃសាកលវិទ្យាល័យជាតិបាត់ដំបង បានប្រារព្ធពិធីចុះហត្ថលេខាលើអនុស្សរណៈនៃការយោគយល់គ្នា ព្រមទាំងប្រារព្ធពិធីអបអរបុណ្យសែននំចាំង ក្រោមប្រធានបទ «ទស្សនាភាពរស់រវើកនៃវប្បធម៌ចិន អបអរពិធីបុណ្យសែននំចាំងជាមួយគ្នា»។
នៅក្នុងពិធីនោះទទួលបានការអញ្ជើញចូលរួមពីសំណាក់ព្រឹទ្ធបុរសវិទ្យាស្ថាន ខុងជឺ នៃសាកលវិទ្យាល័យជាតិបាត់ដំបង លោកសាស្រ្ដាចារ្យ YI YONGZHONG ថ្នាក់ដឹកនាំសមាគមជំរុញឧស្សាហកម្ម វប្បធម៌និងទេសចរណ៍ កម្ពុជា-ចិន អគ្គនាយករងនៃក្រុមហ៊ុន NET1 លោក MO MINQING គឺជា CEO ក្រុមហ៊ុន ធួរអឹរ៉ោន (ខេមបូឌា) ឯ.ក លោកស្រី LISA LIANG អគ្គនាយករងនៃក្រុមហ៊ុន ហូណានអឺរកាង (ខេមបូឌា) អ៊ិនវេសមេន ដែលមានលោក LI HAIYI លោក ZHANG LICHENG លោក YANG JIANPING និងភ្ញៀវកិត្តិយសជាច្រើនរូបទៀត។
កម្មវិធីនេះ ទទួលបានការគាំទ្រ និង យកចិត្តទុកដាក់យ៉ាងខ្លាំងពីសំណាក់លោកឧកញ៉ា DENG PIBING ប្រធានសមាគមជំរុញឧស្សាហកម្ម វប្បធម៌ និង ទេសចរណ៍ កម្ពុជា-ចិន ហើយថែមទាំងទទួលបានការជូនពរពីសំណាក់មិត្តភ័ក្តិកម្ពុជានិងចិន ពីគ្រប់មជ្ឈដ្ឋានផងដែរ។
ជាមួយនឹងបរិយាកាសដ៏អធិកអធមនៃពិធីបុណ្យសែន នំចាំង ដោយផ្ដើមចេញពីការចុះហត្ថលេខាលើអនុស្សរណៈនៃការយោគយល់គ្នា ហើយនាពេលខាងមុខផងដែរភាគីទាំង ២ នឹងខិតខំលើកកម្ពស់វប្បធម៌ប្រពៃណីដ៏ល្អរបស់ប្រទេសចិន និងពង្រីកនូវកិច្ចសហប្រតិបត្តិការគ្រប់ជ្រុងជ្រោយលើគ្រប់វិស័យ។
ក្នុងនោះក៏មានការចែករំលែកបទពិសោធន៍ក្នុងការសិក្សានិងការបង្រៀនភាសាចិន ក្រៅពីនេះក៏មានការសំដែងប្រដាល់ចិន ការសំដែងរបាំបុរាណចិន ការសរសេរអក្សរផ្ចង់ចិន និងការសំដែងសិល្បះជាច្រើនផ្សេងទៀត ក្នុងគោលបំណងបង្ហាញអំពីអរិយធម៌និងពិធីបុណ្យវប្បធម៌ដ៏សម្បូរបែបជូនដល់ដល់ថ្នាក់ដឹកនាំភ្ញៀវកិត្តិយស លោកគ្រូអ្នកគ្រូ និង សិស្សានុសិស្ស។
តាមរយៈការប្រារព្ធកម្មវិធីនេះដែរ គឺដើម្បីផ្សព្វផ្សាយវប្បធម៌ដ៏ផូរផង់របស់ប្រជាជាតិចិន និងរឹតចំណងសម្ព័ន្ធភាពរវាងប្រទេសទាំង ២ នឹងបានបង្ហាញទស្សនិកជនអំពីភាពទាក់ទាញនៃវប្បធម៌ប្រពៃណីចិន ក៏ដូចជា ពង្រឹងចំណងមិត្តភាពនិងលើកកម្ពស់ការផ្លាស់ប្តូរនិងការអភិវឌ្ឍវប្បធម៌របស់ប្រទេសទាំង ២ ផងដែរ៕