The Phnom Penh Post Search

Search form




Logo of Phnom Penh Post newspaper Phnom Penh Post - គ.ជ.ប ទទួល​បណ្ដឹង​ទាំង​ពេល​ឃោស​នា​ និង​ពេល​បោះ​ឆ្នោត​បាន​ជិត ​២០០​ បណ្ដឹង

គ.ជ.ប ទទួល​បណ្ដឹង​ទាំង​ពេល​ឃោស​នា​ និង​ពេល​បោះ​ឆ្នោត​បាន​ជិត ​២០០​ បណ្ដឹង

Content image - Phnom Penh Post
លោក ប្រាជ្ញ ចន្ទ ប្រធាន គ.ជ.ប ក្នុងកិច្ចប្រជុំកាលពីថ្ងៃទី៥ មិថុនា ។ រូបថត AKP

គ.ជ.ប ទទួល​បណ្ដឹង​ទាំង​ពេល​ឃោស​នា​ និង​ពេល​បោះ​ឆ្នោត​បាន​ជិត ​២០០​ បណ្ដឹង

ភ្នំពេញៈ គណៈ​កម្មាធិ​ការ​ជាតិ​រៀប​ច​ចំការ​បោះ​ឆ្នោត​បាន​ទទួល​បណ្តឹង​មកពី​គណ​បក្ស​នយោ​បាយ​សរុប​ជិត ២០០​ បណ្តឹង​ ទាំង​ក្នុង​ពេល​យុទ្ធ​នា​ការ​ឃោ​សនា​បោះ​ឆ្នោត​និងក្នុង​ពេល​បោះ​ឆ្នោត​ជ្រើស​រើស​ក្រុម​ប្រឹក្សា​ឃុំ​សង្កាត់​អាណត្តិ​ទី៥ ឆ្នាំ ​២០២២ ខណៈ​នៅ​ថ្ងៃទី ​៩ ខែ មិថុនា ឆ្នាំ ២០២២ គ.ជ.ប បាន​សម្រេច​លើ​បណ្ដឹង/​សំណុំ​រឿង​ចំនួន ៨ និង​បិទ​ផ្លូវ​តវ៉ា​។

លោក សោម សូ​រី​ដា អ្នក​នាំ​ពាក្យ​ គ.ជ.ប​ ប្រាប់​ ភ្នំពេញ ​ប៉ុស្តិ៍​ នៅ​ថ្ងៃទី​ ៩ ខែមេសា​ថា ក្នុង​ចំណោម​បណ្តឹង​ទាំង​អស់​នេះ បណ្តឹង​មួយ​ចំនួន​ត្រូវ​បាន​ដោះ​ស្រាយ​បញ្ចប់​នៅ​គណៈ​កម្ម​ការ​ឃុំ​សង្កាត់​រៀប​ចំ​ការបោះ​ឆ្នោត​,គណៈ​កម្មការ​រាជ​ធានី​រៀបចំ​ការ​បោះ​ឆ្នោត​និង​គណៈ​កម្មាធិ​ការ​ជាតិ​រៀបចំ​ការ​បោះ​ឆ្នោត​និង​មួយ​ចំនួន​ទៀត​កំពុង​ត្រូវ​បាន​ដោះ​ស្រាយ​។

ពាក់​ព័ន្ធ​នឹង​បណ្តឹង​នេះ​នៅ​ថ្ងៃទី ​៩ ខែមិថុនា​ គ.ជ.ប ​បាន​សម្រេច​លើ​បណ្ដឹង/​សំណុំ​រឿង​ចំនួន​ ៨ ​លេខ​ ១៥០ ​១៥១ ​១៥២ ១៥៣ ​១៥៤ ​១៥៧ ១៥៨ ​និង​លេខ ១៥៦ ដែល​ប្តឹងតវ៉ា​និង​ប្តឹង​ជំទាស់​ទៅ​នឹង​សេចក្តី​សម្រេច​របស់​គណៈ​កម្ម-​ការ​រៀប​ចំ​ការបោះ​ឆ្នោត​រាជ​ធានី​ភ្នំពេញ​និង​ខេត្ត​ត្បូង​ឃ្មុំ​ពាក់​ព័ន្ធ​ទៅ​នឹង​សកម្ម​ភាព​ឃោសនា​បោះ​ឆ្នោត​ជ្រើសរើស​ក្រុម​ប្រឹក្សាឃុំ​សង្កាត់​អា​ណត្តិ​ទី៥​ ឆ្នាំ​២០២២ ជា​សេចក្តី​សម្រេច​ស្ថា​ពរ​បិទ​ផ្លូវ​តវ៉ា​។

សំណុំ​រឿង​លេខ​ ១៥០ ​១៥១ ​១៥២ ​១៥៣ ​១៥៤ ​១៥៧ ​និង​ លេខ ១៥៨ គ.ជ.ប ចាត់​ទុកថា​សេចក្តី​សម្រេច​របស់​គណៈ​កម្ម​ការ​រៀបចំ​ការ​បោះ​ឆ្នោត​រាជ​ធានី​ភ្នំពេញ​ដែល​បាន​សម្រេច​ឱ្យ​គណ​បក្ស​ភ្លើង​ទៀន​រាជ​ធានី​ភ្នំពេញ​បញ្ឈប់​ជា​បន្ទាន់​នូវ​រាល់​សកម្ម​ភាព​ឃោស​នា​បោះ​ឆ្នោត​ដែល​ផ្ទុយ​ពី​ច្បាប់​បោះ​ឆ្នោត​ជ្រើស​រើស​ក្រុម​ប្រឹក្សា​ឃុំ-សង្កាត់ ​និង​ច្បាប់​ស្តីពី​វិសោធន​កម្ម​នៃ​ច្បាប់​នេះ​ ប​ទបញ្ជា​និង​នីតិ​វិធី​នៃ​ការបោះ​ឆ្នោត​និង​ក្រម​សីលធ​ម៌​របស់​គណ​បក្ស​នយោ​បាយ​មាន​លក្ខណៈ​ធួន​ល្មម​ទៅ​នឹង​ទង្វើ​ប្រ​ព្រឹត្ត​កំហុស​របស់​គណ​បក្ស​ភ្លើង​ទៀន ​រាជ​ធានី​ភ្នំពេញ​ហើយ​។

ដោយ​ឡែក​ចំពោះ​សំណុំ​រឿង​លេខ​ ១៥៦ ​គ.ជ.ប​ បាន​សម្រេច​បដិសេធ​ពាក្យ​បណ្តឹង​របស់​ដើម​បណ្តឹង​ឈ្មោះ ​សុខ​ ស្រី​នួន ដោយ​តម្កល់​សេចក្តី​សម្រេច​របស់​គណៈ​កម្ម​ការ​រៀប​ចំ​ការបោះ​ឆ្នោត​ខេត្ត​ត្បូង​ឃ្មុំ​ដែល​សម្រេច​ផាក​ពិន័យ​ឈ្មោះ ​សុខ​ ស្រី​នួន​ចំនួន​ ៥ ០០០ ០០០ (ប្រាំ​លាន) រៀល ​ស្ថិត​ក្នុង​កម្រិត​អប្ប​បរមា​ស្រប​តាម​មាត្រា ​១៨១​ នៃ​ច្បាប់​ស្ដីពី​ការ​បោះ​ឆ្នោត​ជ្រើស​រើស​ក្រុម​ប្រឹក្សា​ឃុំ​សង្កាត់​ ហើយ​។

ជា​មួយ​គ្នានេះ​ គ.ជ.ប នៅ​ថ្ងៃទី ៩ ខែមិថុនា​ ​បាន​ជូន​ដំណឹង​ថា​នឹង​ទទួល​សម្ភារ​ និង​ឯក​សារ​ដែល​បម្រើ​ឱ្យ​កិច្ច​ប្រតិ​បត្តិ​ការ​បោះ​ឆ្នោត​ជ្រើស​រើស​ក្រុម​ប្រឹក្សា​ឃុំ សង្កាត់ ​អាណត្តិ​ទី៥ ដែល​នឹង​ដឹក​បញ្ជូន​មកពី​គណៈ​កម្ម​ការ​រាជធា​នី-ខេត្ត រៀបចំ​ការ​បោះឆ្នោ​ត (គ​ធ.ខ​ប)​ ទាំង​ ២៥ នៅ​ចន្លោះ​ពីថ្ងៃ​ទី​ ១០ ​ដល់​ថ្ងៃទី​ ១៤ ខែ មិថុនា​ ឆ្នាំ ២០២២ នៅ​ទីស្តី​ការ គ.ជ.ប និង​នៅ​ឃ្លាំង គ.ជ.ប ៕

អត្ថបទគួរចាប់អារម្មណ៍