ភ្នំពេញៈ មន្ត្រីជំនាញបន្តរកឃើញដេប៉ូប្រេងឥន្ធនៈចំនួន ៤ ទីតាំងបន្ថែមទៀតដែលលក់ប្រេងកេងបន្លំប្រជាពលរដ្ឋ និងបានបន្តចាត់វិធានការលើម្ចាស់ដេប៉ូទាំងនេះ ក្រោយប្រតិបត្តិការចុះត្រួតពិនិត្យតាមស្ថានីយ និងដេប៉ូប្រេងឥន្ធនៈចំនួន ២៥ ទីតាំងក្នុងខេត្តចំនួន ៤។
កាលពីថ្ងៃទី១៥ ខែមិថុនា មន្រ្តីនៃអគ្គនាយកដ្ឋានការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំ (ក.ប.ប) ប្រចាំសាខារាជធានី ខេត្តចំនួន ៥ គឺខេត្តប៉ៃលិន ខេត្តព្រៃវែង ខេត្តកំពង់ចាម ខេត្តកំពង់ឆ្នាំង និងរាជធានីភ្នំពេញ បានបន្តចុះត្រួតពិនិត្យស្ថានីយ និងដេប៉ូប្រេងឥន្ធនៈទាំង ២៥នេះ ក្រែងម្ចាស់អាជីវកម្មប្រព្រឹត្តល្មើសនឹងច្បាប់ស្តីពីកិច្ចការពារអ្នកប្រើប្រាស់។
ក.ប.ប បញ្ជាក់តាមរយៈហ្វេសប៊ុកនាថ្ងៃនេះថា៖ «មន្ត្រីយើងបានធ្វើការត្រួតពិនិត្យយ៉ាងយកចិត្តទុកដាក់លើស្ថានីយ ដេប៉ូប្រេងឥន្ធនៈបានសរុបចំនួន ២៥ទីតាំង ដោយក្នុងនោះដេប៉ូចំនួន៤ ត្រូវបានមន្ត្រីជំនាញរកឃើញថា បានប្រព្រឹត្តអំពើមិនសុចរិត ដោយធ្វើការបន្លំចំនួនលីត្រ ដូចនេះមន្ត្រីជំនាញបានរៀបចំវិធានការតាមនីតិវិធី»៕