ភ្នំពេញៈ យ៉ាងហោចណាស់មានមនុស្ស ៣ នាក់បានស្លាប់ ៧ នាក់រងរបួស នៅក្នុងគ្រោះថ្នាក់ចរាចរណ៍ទូទាំងប្រទេសនៅថ្ងៃទី ២៤ ខែមិថុនានេះ។
ក្នុងចំណោមអ្នករងរបួស ៧ នាក់ ដោយសារគ្រោះថ្នាក់ចរាចរណ៍ផ្លូវគោកទូទាំងប្រទេសនេះមានរបួសធ្ងន់ ៥ នាក់ ( ស្រី ៣ នាក់ ) របួសស្រាល ២ នាក់ ( ស្រី ១ នាក់ ) ។
យោងតាមទិន្នន័យគ្រោះថ្នាក់ចរាចរណ៍ផ្លូវគោកទូទាំងប្រទេសចេញដោយនាយកដ្ឋាននគរបាលចរាចរណ៍ និង សណ្តាប់សាធារណៈនៃអគ្គស្នងការដ្ឋាននគរបាលជាតិនៅថ្ងៃទី ២៤ ខែមិថុនា បានបញ្ជាក់ថា គ្រោះថ្នាក់ដែលបង្កឱ្យមានមនុស្សស្លាប់ និង របួសចំនួន ១០ នាក់នេះកើតឡើង ដោយសារការប៉ះទង្គិចគ្នាចំនួន ៧ លើក ៕