កំពង់ស្ពឺៈ យោធាចារ្យមកពីក្រសួងការពារជាតិជប៉ុនបានធ្វើការបណ្តុះបណ្តាល និងហ្វឹកហ្វឺនកងទ័ពមួកខៀវកម្ពុជាចំនួន ១៥ នាក់ ពីបច្ចេកទេសវិទ្យាវាស់ស្ទង់ផ្លូវថ្នល់ នៅសាលាហ្វឹកហ្វឺនកងកម្លាំងរក្សាសន្តិភាពពហុជាតិ នាស្រុកភ្នំស្រួច ខេត្តកំពង់ស្ពឺ។ នេះបើយោងតាមមជ្ឈមណ្ឌលជាតិរក្សាសន្តិភាព។
មជ្ឈមណ្ឌលជាតិរក្សាសន្តិភាពបានឱ្យដឹងតាមហ្វេសប៊ុកនាថ្ងៃនេះថា វគ្គនេះត្រូវបានបិទបញ្ចប់នៅថ្ងៃនេះដែលមានរយៈពេល ៤ សប្តាហ៍ គឺធ្វើឡើងនៅមុនកងទ័ពមួកខៀវកម្ពុជាចេញទៅបំពេញបេសកកម្មអង្គការសហប្រជាជាតិ៕