The Phnom Penh Post Search

Search form




Logo of Phnom Penh Post newspaper Phnom Penh Post - ​រដ្ឋបាល​ខេត្តសៀមរាប បានប្រកាស​ដាក់​ឱសានវាទ​ចំនួន ១៥ ថ្ងៃ ឱ្យ​ប្រជាពលរដ្ឋ​ដែល​បាន​រំលោភ​ចំណីផ្លូវ​ប្រកបមុខរប​រ​នានា ត្រូវ​រុះរើ

​រដ្ឋបាល​ខេត្តសៀមរាប បានប្រកាស​ដាក់​ឱសានវាទ​ចំនួន ១៥ ថ្ងៃ ឱ្យ​ប្រជាពលរដ្ឋ​ដែល​បាន​រំលោភ​ចំណីផ្លូវ​ប្រកបមុខរប​រ​នានា ត្រូវ​រុះរើ

Content image - Phnom Penh Post
បណ្ដាញផ្លូវមួយចំនួនក្នុងក្រុងសៀមរាប។ ក្រសួងសាធារណការ

​រដ្ឋបាល​ខេត្តសៀមរាប បានប្រកាស​ដាក់​ឱសានវាទ​ចំនួន ១៥ ថ្ងៃ ឱ្យ​ប្រជាពលរដ្ឋ​ដែល​បាន​រំលោភ​ចំណីផ្លូវ​ប្រកបមុខរប​រ​នានា ត្រូវ​រុះរើ

សៀមរាបៈ ​រដ្ឋបាល​ខេត្តសៀមរាប បានប្រកាស​ដាក់​ឱសានវាទ​ចំនួន ១៥ ថ្ងៃ ឱ្យ​ប្រជាពលរដ្ឋ​ដែល​បាន​រំលោភ​ចំណីផ្លូវ​ប្រកបមុខរប​រ​នានា ត្រូវ​រុះរើ ដោយ​ខ្លួនឯង​ចាប់ពី​ថ្ងៃទី​ ២៣ ខែមិថុនា ក្រោយ​ផុត​ឱសានវាទ​រដ្ឋបាល​នឹង​ចាត់វិធានការ​តាមច្បាប់​។​

​សេចក្តីជូនដំណឹង​រ​បស់​រដ្ឋបាល​ខេត្តសៀមរាប ចុះ​ថ្ងៃទី ២៣ ខែមិថុនា ឆ្នាំ ២០២២ បានឱ្យដឹងថា រដ្ឋបាលខេត្ត នឹង​បន្ត​រៀបចំ​ស្ថាបនា​ហេដ្ឋារចនាសម្ព័ន្ធ​ផ្លូវ​ចំនួន ៨ ​ខ្សែ នៅក្នុង​ក្រុង​សៀមរាប បន្ថែមទៀត ស្របតាម​ផែនការ​យុទ្ធសាស្ត្រ ស្តីពី​ការអភិវឌ្ឍ​ផ្លូវ​របស់​ខេត្ត ដើម្បី​ប្រែក្លាយ​ហេ​ដ្ឋា រចនាសម្ព័ន្ធ​ផ្លូវ​ទាំងនោះ​ឱ្យបាន​សមស្រប ដោយ​ធានាបាន​នូវ​គុណភាព សុវត្ថិភាព សោភណភាព និង ផាសុកភាព ព្រមទាំង​ការពារ​បាន​នូវ​បរិស្ថាន​រស់នៅ​ល្អ និង​បម្រើ​ដល់​ការធ្វើ​ចរាចរណ៍​របស់​ប្រជាពលរដ្ឋ ក៏ដូចជា​ភ្ញៀវទេសចរ​ជាតិ អន្តរជាតិ និង​ការដឹកជញ្ជូន​នានា​ក្នុង​ខេត្តសៀមរាប​។​

សេចក្តីជូនដំណឹង​បន្តថា​៖ «​ដើម្បីឱ្យ​ការអនុវត្ត​គម្រោង​ស្ថាបនា​ហេដ្ឋារចនាសម្ព័ន្ធ​ផ្លូវ​ចំនួន ៨ ​ខ្សែ ប្រព្រឹត្ត​ទៅដោយ​រលូន​នោះ ប្រជាពលរដ្ឋ​ដែលជា​ម្ចាស់​ទីតាំង​អាជីវកម្ម លំនៅឋាន សំណង់​ការ្យ និង​ទ្រព្យសម្បត្តិ​ផ្សេងៗ​ទៀត ដែល​ប៉ះពាល់​នៅ​លើដី​ចំណីផ្លូវ​ទាំងនោះ ត្រូវ​ចូលរួម​សហការ រុះរើ​ដោយ​ខ្លួនឯង​តាម​ជើង​ម៉ែត្រ ដែល​ក្រុមការងារ​ជំនាញ​សហការ​ជាមួយ​អាជ្ញាធរ​មូលដ្ឋាន បាន​ចុះ​វាស់វែង និង​បាញ់​គំនូស​សម្គាល់ តាម​ការសម្រេច​របស់​គណៈកម្មការ​រដ្ឋបាល ក្នុងអំឡុងពេល​នៃ​ការចុះបញ្ជី​ដី​មាន​លក្ខណៈ​ជា​ប្រព័ន្ធ ឱ្យ​រួចរាល់​ក្នុង​រយៈពេល ១៥ ថ្ងៃ ជា​កំហិត ដោយ​គិត​ចាប់ពី​ថ្ងៃទី​ ២៣ ខែមិថុនា​។ ក្នុងករណី ប្រជាពលរដ្ឋ ពុំ​រុះរើ​តាម​កាលកំណត់ រដ្ឋបាលខេត្ត នឹង​ចាត់វិធានការ​រុះរើ តាម​នីតិវិធី​ច្បាប់​ជា​ធរមាន ដោយ​មិន​ទទួល ខុសត្រូវ​ចំពោះ​រាល់​ការខូចខាត និង​បាត់បង់​ទ្រព្យសម្បត្តិ​ឡើយ​»​។​

​លោក ក្អោ​ប រ៉​ន ចៅសង្កាត់​ជ្រាវ​ក្រុង​សៀមរាប ប្រាប់​ភ្នំពេញ​ប៉ុស្តិ៍​ថា រដ្ឋបាលខេត្ត​បាន​ចុះ​អប់រំ​ផ្សព្វផ្សាយ​ច្រើនលើកច្រើនសា​មកហើយ​ទាក់ទង​គម្រោង​នេះ ហើយ​ពលរដ្ឋ​ខ្លះ​បាន​ចូលរួម​សហការ ប៉ុន្តែ​ពលរដ្ឋ​ខ្លះទៀត​មិនបាន​ចូលរួម​នោះទេ​។

លោក​ថា​៖ «​យើង​បាន​ជូនដំណឹង​ដល់​ប្រជាពលរដ្ឋ​រួចហើយ ហើយ​ផ្លូវ​ដែល​រដ្ឋបាលខេត្ត​កំពុង​ធ្វើ​នេះ សុទ្ធតែជា​ផ្លូវ​បាន​ចុះបញ្ជី​ប្រព័ន្ធ​ដីធ្លី​មាន​ប្លង់រឹង​អស់ហើយ ប៉ុន្តែ​ពលរដ្ឋ​ខ្លះ​នៅតែ​យក​ចំណីផ្លូវ​ធ្វើ​អាជីវកម្ម​ដោយ​ដាក់​អីវ៉ាន់ ធ្វើ​សំ​យ៉ាប និង​ខ្លះទៀត​សង់​តូប ធ្វើឱ្យប៉ះពាល់​ដល់​សោ​ភណឌ​ភាព​ក្រុង​»​។​

លោក​ថា ក្នុងករណី​ពលរដ្ឋ​មិន​សុខចិត្ត​អាចមក​សង្កាត់​ដើម្បី​សាកសួរ​ព័ត៌មាន​បន្ថែម ហើយ​ក្នុងករណី​សង្កាត់​ដោះស្រាយ​មិនបាន​លោក​នឹង​ស្នើសុំ​អភិបាលក្រុង​មកជួយ​សម្របសម្រួល ។

យ៉ាងណាមិញ​លោក​គូសបញ្ជាក់ថា ​គិត​មកដល់​ត្រឹម​ថ្ងៃទី ២៦ ខែមិថុនា​នេះ ពុំមាន​ពលរដ្ឋ​មក​តវ៉ា​រឿង​នេះឡើយ​។​

បើតាម​លោក ក្អោ​ប រ៉​ន គម្រោង​ស្ថាបនា​ផ្លូវ​ចំនួន ៨ ខ្សែ​នេះ​គឺជា​គម្រោង​របស់​ថ្នាក់​ខេត្ត​ដើម្បី​កែលម្អ និង​លើកកម្ពស់​សោ​ភណ​ភាព​ក្រុង ហើយ​ផ្លូវ​នេះ​គឺជា​គម្រោង​ដាច់ដោយឡែក​ពី​ផ្លូវ ៣៨ ខ្សែ ដែល​រដ្ឋាភិបាល​កម្ពុជា​បាន​ស្ថាបនា​នាពេល​កន្លងមក​៕

វីដេអូ៖

អត្ថបទគួរចាប់អារម្មណ៍