សៀមរាបៈ គិតត្រឹមចុងខែមិថុនា ឆ្នាំ ២០២២ គម្រោងស្ថាបនាធ្វើឱ្យប្រសើរឡើងស្ថានីយប្រព្រឹត្តិកម្ម ទឹកកខ្វក់ (MPWT-CW4) នៅក្នុងក្រុងសៀមរាបសម្រេចបានជាង ២៣% ហើយ។ នេះបើតាមក្រសួងសាធារណការ និងដឹកជញ្ជូនកាលពីថ្ងៃទី ១ ខែកក្កដា។
ក្រសួងសាធារណការ និងដឹកជញ្ជូនបញ្ជាក់ថា គម្រោងខាងលើនេះទទួលបានការសាទរពីប្រជាពលរដ្ឋ និងអាជ្ញាធរមូលដ្ឋាន។
ជាមួយគ្នានោះផងដែរ ក្រុមការងារបច្ចេកទេសបានចុះពិនិត្យស្ថានភាពទីតាំងស្ថានីយបូមថ្មីចំនួន ០២ កន្លែងដោយផ្តោតលើលក្ខណៈបច្ចេកទេស ដើម្បីឈានដល់ការសិក្សាលម្អិតលើផ្នែកផ្សេងៗ និងបានជួបពិភាក្សាការងារជាមួយក្រុមហ៊ុនទទួលបន្ទុកការសាងសង់ខ្សែផ្លូវដែលត្រូវដាក់បណ្តាញលូខ្នែង លូខ្នែងរង (MPWT-CW1A) ដើម្បីពន្លឿនឯកសារពាក់ព័ន្ធការងារធនធានមនុស្ស សម្ភារ និងគ្រឿងចក្រ ដើម្បីដាក់ជូនទីប្រឹក្សាគម្រោង (Consultant) ពិនិត្យសម្រេច មុនចាប់ផ្តើមអនុវត្តគម្រោងតាមផែនការ ដែលបានគ្រោងទុក៕