ភ្នំពេញៈ ក្រសួងសុខាភិបាល បានប្រកាសរកឃើញករណីឆ្លងមេរោគកូវីដ ១៩ ថ្មី ប្រភេទអូមីក្រុងបន្ថែមទៀតចំនួន ៦ នាក់ ដែលជាករណីឆ្លងក្នុងសហគមន៍ទាំងអស់ ប៉ុន្តែមិនមានករណីស្លាប់ឡើយ។
យោងតាមសេចក្តីប្រកាសរបស់ក្រសួងសុខាភិបាល អ្នកឆ្លងមេរោគកូវីដ ១៩ សម្រាប់ថ្ងៃទី ៦ ខែកក្កដា កម្ពុជាបានរកឃើញករណីឆ្លងមេរោគកូវីដ ១៩ ក្នុងសហគមន៍ចំនួន ៦ នាក់បន្ថែមទៀត ដែលក្នុងនោះ មាន ៤ នាក់ ជាករណីស្នើសុំវិញ្ញាបនបត្រចេញទៅក្រៅប្រទេស។
គិតត្រឹមព្រឹកថ្ងៃទី ៧ ខែ កក្កដា ឆ្នាំ ២០២២ កម្ពុជាមានអត្រាឆ្លងមេរោគកូវីដ ១៩ សរុបចំនួន ១៣៦ ៣១៤ នាក់ អ្នកជាសះស្បើយសរុបចំនួន ១៣៣ ២០៦ នាក់ និងអ្នកស្លាប់ចំនួន ៣ ០៥៦ នាក់៕
