រតនគិរីៈ គោយន្តកន្ត្រៃ ១គ្រឿង និង​រណារយន្ត ២គ្រឿង ត្រូវ​បាន​គណៈកម្មការ​សហគមន៍​តំបន់​ការពារ​ធម្មជាតិ​អូរគគី​រឹបអូស​ពី​ជនល្មើសប្រគល់​ទៅ​មន្ត្រី​ឧទ្យានុរក្ស ទីស្នាក់ការ​រង​ស្រែ​អង្គ្រង នៃ​ដែនជម្រក​សត្វព្រៃ​លំផាត់ ខេត្ត​រតនគិរី កាល​ពីថ្ងែ​ទី៦ កក្កដា ឆ្នាំ២០២២។ នេះបើតាម​កម្មវិធី BirdLife International Cambodia នៅ​ថ្ងៃទី ៩ ខែកក្កដានេះ។

កម្មវិធី BirdLife International Cambodia បាន​ឱ្យ​ដឹង​តាម​រយៈហ្វេសប៊ុក​នៅ​ថ្ងៃនេះ​ថា កាល​ពី​ថ្ងែទី៦ កក្កដា គោយន្ត​កន្ត្រៃ ១គ្រឿង និង​រណារយន្ត ២គ្រឿង ត្រូវ​បាន​គណៈកម្មការ​សហគមន៍​តំបន់​ការពារ​ធម្មជាតិ​អូរគគី​រឹបអូស​ពី​ជនល្មើស​ប្រគល់​ទៅ​មន្ត្រី​ឧទ្យានុរក្ស ទីស្នាក់ការរង​ស្រែអង្គ្រង នៃ​ដែន​ជម្រក​សត្វព្រៃ​លំផាត់ ខេត្ត​រតនគិរី។ ក្រុមការងារ​នៃ​កម្មវិធី BirdLife International Cambodia បានសំណូមពរ​ឱ្យ​ចូលរួម​ការពារ​សត្វ និង​ព្រៃឈើ នៅ​ដែន​ជម្រក​សត្វព្រៃលំផាត់​ទាំងអស់គ្នា។

កម្មវិធី BirdLife International Cambodia បញ្ជាក់ថា គណៈកម្មការ​សហគមន៍​តំបន់​ការពារ​ធម្មជាតិ អូរគគី តែងតែ​ធ្វើ​សកម្មភាព​ចុះល្បាត​ប្រចាំខែ ដើម្បី​ការពារ​និង​ទប់ស្កាត់​រាល់​បទល្មើស​ធនធាន​ធម្មជាតិ​ដែល​កើត​មាន​ឡើង​នៅ​ក្នុង​តំបន់​សហគមន៍​របស់​ខ្លួន៕