The Phnom Penh Post Search

Search form




Logo of Phnom Penh Post newspaper Phnom Penh Post - លោកនាយក​រដ្ឋមន្ត្រី​ ហ៊ុន សែន បានទទួល​សញ្ញាបត្រ​ប​ណ្ឌិ​ត​កិត្តិយស​ផ្នែក​អភិវឌ្ឍន៍​ដំបូងបង្អស់​ពី​សាកលវិទ្យាល័យ​ភូមិន្ទ​ភ្នំពេញ​

លោកនាយក​រដ្ឋមន្ត្រី​ ហ៊ុន សែន បានទទួល​សញ្ញាបត្រ​ប​ណ្ឌិ​ត​កិត្តិយស​ផ្នែក​អភិវឌ្ឍន៍​ដំបូងបង្អស់​ពី​សាកលវិទ្យាល័យ​ភូមិន្ទ​ភ្នំពេញ​

Content image - Phnom Penh Post
សម្តេចតេជោនាយករដ្ឋមន្ត្រី អញ្ជើញទទួលសញ្ញាបត្របណ្ឌិតកិត្តិយសផ្នែកអភិវឌ្ឍន៍ ពីសាកលវិទ្យាល័យភូមិន្ទភ្នំពេញ។

លោកនាយក​រដ្ឋមន្ត្រី​ ហ៊ុន សែន បានទទួល​សញ្ញាបត្រ​ប​ណ្ឌិ​ត​កិត្តិយស​ផ្នែក​អភិវឌ្ឍន៍​ដំបូងបង្អស់​ពី​សាកលវិទ្យាល័យ​ភូមិន្ទ​ភ្នំពេញ​

ភ្នំពេញៈ ប្រមុខ​រដ្ឋាភិបាល លោកនាយក​រដ្ឋមន្ត្រី​ ហ៊ុន សែន​ បានទទួល​សញ្ញាបត្រ​បណ្ឌិត​កិត្តិយស​ផ្នែក​អភិវឌ្ឍន៍​ពី​សាកលវិទ្យាល័យ​ភូមិន្ទ​ភ្នំពេញ​នា​ថ្ងៃ​សុក្រ ​ទី ​៥ ខែសីហា​នេះ ដែល​ចំ​ថ្ងៃ​គម្រប់​ខួប​ ៧០ ​ឆ្នាំ​របស់លោក​។​

​លោក ​ហង់​ជួន ណា​រ៉ុ​ន រដ្ឋមន្ត្រីក្រសួង​អប់រំ យុវជន និង​កីឡា​បាន​ថ្លែង​ចូលរួម​អបអរសាទរ ក្នុងឱកាស​ដែល​លោកនាយក​រដ្ឋមន្ត្រី​បានទទួល​សញ្ញាបត្រ​បណ្ឌិត​នេះ ក្នុងនាម​ជា​ឥស្សរជន​ជាន់ខ្ពស់​កំពូល​របស់​ជាតិ ដែល​ទទួលបាន​សញ្ញាបត្រ​បណ្ឌិត​កិត្តិ​យ​ផ្នែក​អភិវឌ្ឍន៍​សាកលវិទ្យាល័យ​ភូមិន្ទ​ភ្នំពេញ​ដំបូង​គេ​។ នេះ​ដោយ​ផ្អែកលើ​ការចូលរួមចំណែក​យ៉ាង​ជ្រាលជ្រៅ​របស់លោក​នាយករ​ដ្ឋ​មន្ត្រី​នៅក្នុង​ការអភិវឌ្ឍ​លើ​គ្រប់​វិស័យ ដូចជា​សិល្បៈ វិទ្យាសាស្ត្រ​និង​បច្ចេកវិទ្យា ការអប់រំ នយោបាយ ច្បាប់ សេដ្ឋកិច្ច សេវាសាធារណៈ ជំនួយ​មនុស្សធម៌ សាសនា និង​ការដឹកនាំ​ប្រកបដោយ​គតិបណ្ឌិត ជាពិសេស ការទទួលស្គាល់ និង​ការលើកទឹកចិត្ត​ដល់​គំនិត គុណ​តម្លៃ​និង​ស្នាដៃ​របស់លោក​នាយករ​ដ្ឋ​មន្ត្រី​ដែល​បាន​ចួ​ល​រួមចំណែក​យ៉ាងសំខាន់​ក្នុងការ​ពិភាក្សា​អំពី​គំនិត​ការអភិវឌ្ឍ​អន្តរជាតិ សន្តិភាព ស្ថិរភាព​នយោបាយ អភិបាលកិច្ច និង​ការអប់រំ​ប្រកបដោយ​ចីរភាព សម្រាប់​កម្ពុជា និង​នៅក្នុង​តំបន់​។​

​លោក​ ហង់​ជួន ណា​រ៉ុ​ន ​បាន​បញ្ជាក់ថា​៖ «​សញ្ញាបត្រ​បណ្ឌិត​កិត្តិយស​ផ្នែក​អភិវឌ្ឍន៍​គឺជា​ការទទួលស្គាល់​នៃ​កម្រិត​អប់រំ​ខ្ពស់បំផុត​របស់​សាកលវិទ្យាល័យ​ភូមិន្ទ​ភ្នំពេញ ដែល​ត្រូវបាន​ផ្តល់ជូន​ដល់​ឥស្សរជន និង​បុគ្គល​ដែលមាន​កិត្តិយស​ខ្ពស់បំផុត​និង​មានការ​ទទួល​ពិសេស​ចំពោះ​សម​ទ្ធិ​ផល​សំខាន់ៗ និង​ភាពខុសគ្នា​នៅក្នុង​វិស័យ ឬ​សកម្មភាព​ដែល​ស្របតាម​បេសកកម្ម​របស់​សាកលវិទ្យាល័យ​»​។​

​សំណេរ​លើ​ហ្វេ​ស​ប៊ុ​ក​របស់លោក​នាយករដ្ឋមន្ត្រី​បានបញ្ជាក់​ផងដែរ​ថា ពិធី​ប្រគល់​សញ្ញាបត្រ​នេះ គឺធ្វើឡើង​ចំ​ថ្ងៃ​ខួបកំណើត​របស់លោក​នាយ​ក​រដ្ឋមន្ត្រី​គម្រប់ ៧០​ ឆ្នាំ ឈានចូល​ ៧១​ ឆ្នាំ​។ លោកនាយក​រដ្ឋមន្ត្រី​បានប្រសូត​នៅ​ថ្ងៃ​អង្គារ ១៥​កើត ខែពេញបូណ៌មី ឆ្នាំរោង ចត្វា​ស័ក ព​.​ស ២៤៩៦ ត្រូវ​នឹង​ថ្ងៃទី​ ០៥ ខែ សីហា ឆ្នាំ​ ១៩៥២​។ លោកនាយក​រដ្ឋមន្ត្រី​គឺជា​មេដឹកនាំ​មួយរូប​របស់​កម្ពុជា បាន​លះបង់​អស់កម្លាំង​កាយ​ចិត្ត និង​បញ្ញាញាណ ជាមួយ​ទឹកចិត្ត ឆន្ទៈ​មនសិកា​ស្នេហា​ជាតិ និង​ប្រជាជន​យ៉ាង​ជ្រាលជ្រៅ ក្នុង​ការកសាង និង​អភិវឌ្ឍន៍​សង្គម​កម្ពុជា​។

កម្ពុជា ជា​ប្រទេស​ដែល​បាន​រង​ការយាយី និង​បំផ្លាញ​ខ្ទេចខ្ទី​ព្រោះតែ​ភ្លើងសង្គ្រាម​។ ក្នុងនាម​ជា​មេដឹកនាំ​ទទួលខុសត្រូវ​ខ្ពស់​លើ​ជោគវាសនា​ជាតិ និង​ប្រជាជន​កម្ពុជា ចាប់តាំងពី​ឆ្នាំ​ ១៩៨៥ ​មក លោកនាយក​រដ្ឋមន្ត្រី​ ហ៊ុន សែន បាន​យកចិត្តទុកដាក់ និង​ប្តូរផ្តាច់​យ៉ាងខ្លាំង​ក្លា​បំផុត​។ ក្រោម​កិច្ចប្រឹងប្រែង​ដោយ​មិន​ខ្លាច​នឿយហត់ និង​ឥត​សន្សំសំចៃ​កម្លាំងកាយ​ចិត្ត និង​បញ្ញាញាណ លោក​ ហ៊ុន សែន បានធ្វើឱ្យ​កម្ពុជា​ដែល​រុំ​ព័ទ្ធ​ដោយ​ផ្សែង​នៃ​ភ្លើងសង្គ្រាម រុំ​ព័ទ្ធ​ដោយ​ភាពក្រីក្រ ក្លាយទៅជា​ប្រទេសមួយ​មាន​សុខសន្តិភាព មានការ​អភិវឌ្ឍ និង​ទទួលបាន​ភាព​រីកចម្រើន​គួរឱ្យកត់សម្គាល់​៕​

អត្ថបទគួរចាប់អារម្មណ៍