The Phnom Penh Post Search

Search form




Logo of Phnom Penh Post newspaper Phnom Penh Post - អង្គភាព​ប្រឆាំង​អំពើ​ពុករលួយ​បើក​វគ្គ​បណ្តុះ​បណ្តាល​រយៈពេល ៤ថ្ងៃ ដល់​មន្ត្រី​របស់​ខ្លួន​ចំនួន ១០៦

អង្គភាព​ប្រឆាំង​អំពើ​ពុករលួយ​បើក​វគ្គ​បណ្តុះ​បណ្តាល​រយៈពេល ៤ថ្ងៃ ដល់​មន្ត្រី​របស់​ខ្លួន​ចំនួន ១០៦

Content image - Phnom Penh Post

អង្គភាព​ប្រឆាំង​អំពើ​ពុករលួយ​បើក​វគ្គ​បណ្តុះ​បណ្តាល​រយៈពេល ៤ថ្ងៃ ដល់​មន្ត្រី​របស់​ខ្លួន​ចំនួន ១០៦

ភ្នំពេញៈ អង្គភាព​ប្រឆាំង​អំពើ​ពុក​រលួយ (ACU) ផ្តល់​វគ្គ​បណ្តុះ​បណ្តាល​មន្ត្រី​នគរបាល​យុត្តិធម៌​រយៈពេល ៤​ថ្ងៃស្តីពី «ក្រមព្រហ្មទណ្ឌ ក្រមនីតិវិធី​ព្រហ្មទណ្ឌ បច្ចេកទេស និង​នីតិវិធី​ក្នុង​ការ​កសាង​សំណុំ​រឿង​អំពើ​ពុករលួយ» ដល់​ថ្នាក់​ដឹកនាំ និង​មន្ត្រី​រាជការ​នៃ​អង្គភាព​របស់​ខ្លួនចំនួន ១០៦នាក់។

វគ្គ​បណ្តុះ​បណ្តាល​នេះ​ត្រូវ​បាន​ចាប់​ផ្តើម​នៅ​ថ្ងៃពុធ ទី៣ ខែសីហា ដល់ថ្ងៃ​សៅរ៍ទី៦ ខែសីហា ឆ្នាំ២០២២នេះ។

យោងតាម​ ACU បាន​ឱ្យដឹងថា វគ្គ​បណ្តុះបណ្តាល​នេះ​មាន​គោល​បំណង​ផ្តល់​ជូន​ថ្នាក់​ដឹកនាំ និង​មន្ត្រី នៃ​អង្គភាព​ប្រឆាំង​អំពើ​ពុក​រលួយ​នូវ៖ ការ​ពង្រឹង និង​ពង្រីក​ចំណេះ​ដឹង​ផ្នែក​ច្បាប់, ការ​ធ្វើ​ឱ្យ​កាន់តែ​ប្រសើរ​ឡើង​ថែម​ទៀត នូវ​ប្រសិទ្ធភាព​នៃ​ការ​ស៊ើប​អង្កេត​បទល្មើស, ពង្រឹងសមត្ថភាព​ក្នុង​ការ​ស៊ើប​អង្កេត និង​កសាង​សំណុំ​រឿង​សម្អាត​ប្រាក់, មូលដ្ឋាន​នៃ​កិច្ច​សហការ​ក្នុង​ការ​ជួយគ្នា​ទៅវិញទៅមក​ផ្នែក​ច្បាប់​ក្នុង​វិស័យព្រហ្មទណ្ឌ, ការ​ពង្រឹង​បន្ថែម​ទៀត​នូវ​សមត្ថភាព​ក្នុង​ការ​ស្រាវជ្រាវ​បទល្មើស​ពុក​រលួយ ប្រមូល​ភ័ស្តុតាង និង​នីតិវិធី​ក្នុង​ការ​កសាង​សំណុំ​រឿងបញ្ជូន​ទៅ​តុលាការ និង​បំពេញ​កិច្ច​នីតិវិធី​ជូន​ថ្នាក់​ដឹកនាំ និង​មន្ត្រី​រាជការ ACU ដើម្បី​ក្លាយ​ជា​មន្ត្រីនគរបាល​យុត្តិធម៌​ក្នុង​ពេល​ខាងមុខ។

ចំណេះដឹង​ដែល​ទទួល​បាន​ពី​វគ្គ​បណ្តុះ​បណ្តាល​នេះ​នឹង​ផ្តល់​នូវ​ពុទ្ធិ ជំនាញ បច្ចេកទេស និង​បទពិសោធ​ល្អៗ ដែល​ជា​មូលដ្ឋាន​គ្រឹះ​ដ៏​សំខាន់សម្រាប់​ថ្នាក់​ដឹកនាំ និង​មន្ត្រី​រាជការ​នៃ​ ACU ក្នុង​ការ​អនុវត្ត​ការងារ​របស់​ខ្លួន​ឱ្យ​កាន់តែ​ល្អ​ប្រសើរ និង​មាន​ប្រសិទ្ធភាព​ខ្ពស់​ថែមទៀត។

វគ្គ​បណ្តុះបណ្តាល​រយៈពេល ៤​ថ្ងៃ​នេះ នឹង​ផ្ដោត​លើ​ប្រធានបទ​សំខាន់ៗ មួយ​ចំនួន​ដូចជា គោលការណ៍​គ្រឹះ​នៃ​ច្បាប់​ព្រហ្មទណ្ឌ​កម្ពុជា ធាតុផ្សំ​នៃ​បទល្មើស​ព្រហ្មទណ្ឌ​ទូទៅ និង​បទល្មើស​ពុក​រលួយ ក្រម​នីតិវិធី​ព្រហ្មទណ្ឌ ការ​ជួយគ្នា​ទៅវិញទៅមក​ផ្នែក​ច្បាប់​ក្នុង​វិស័យ​ព្រហ្មទណ្ឌ បច្ចេកទេស និង​នីតិវិធី​ក្នុង​ការ​កសាង​សំណុំរឿង​អំពើ​ពុករលួយ និង​ការ​ប្រឆាំង​ការ​សម្អាត​ប្រាក់​ជាដើម៕

អត្ថបទគួរចាប់អារម្មណ៍