The Phnom Penh Post Search

Search form




Logo of Phnom Penh Post newspaper Phnom Penh Post - លោក លី ធុច ស្នើឱ្យ​ចក្រភព​អង់គ្លេស​បន្ត​ជួយ​គាំទ្រ​លើ​វិស័យ​មីន​រហូត​ដល់​សម្រេច​គោលដៅ​កម្ពុជា​គ្មាន​មីន​ឆ្នាំ ២០២៥

លោក លី ធុច ស្នើឱ្យ​ចក្រភព​អង់គ្លេស​បន្ត​ជួយ​គាំទ្រ​លើ​វិស័យ​មីន​រហូត​ដល់​សម្រេច​គោលដៅ​កម្ពុជា​គ្មាន​មីន​ឆ្នាំ ២០២៥

Content image - Phnom Penh Post

លោក លី ធុច ស្នើឱ្យ​ចក្រភព​អង់គ្លេស​បន្ត​ជួយ​គាំទ្រ​លើ​វិស័យ​មីន​រហូត​ដល់​សម្រេច​គោលដៅ​កម្ពុជា​គ្មាន​មីន​ឆ្នាំ ២០២៥

ភ្នំពេញៈ លោក​ទេសរដ្ឋ​មន្រ្តី លី ធុជ អនុប្រធានទី១ អាជ្ញាធរមីន បាន​ស្នើសុំ​ឱ្យ​ចក្រភព​អង់គ្លេស បន្ត​ជួយ​គាំទ្រ​ដល់​រាជរដ្ឋាភិបាល​កម្ពុជាលើ​វិស័យ​សកម្មភាព​មីន​រហូត​ដល់​កម្ពុជា​សម្រេច​បាន​នូវ​គោលដៅ​គ្មាន​មីន​ឆ្នាំ ២០២៥។ ចក្រភព​អង់គ្លេស អះអាង​ថា នឹង​បន្ត​គិតគូរ​ចូលរួមគាំទ្រ​ជួយ​ដល់​រាជរដ្ឋាភិបាល​កម្ពុជា​លើ​វិស័យមីន​នេះ​បន្ថែម​ទៀត។

ក្នុង​ជំនួប​កិច្ច​ពិភាក្សា​ការងារ​ជាមួយ​រដ្ឋមន្ត្រី​ចក្រភព​អង់គ្លេស​ទទួល​បន្ទុក​អាស៊ី លោកស្រី Amanda Milling លោក​ទេសរដ្ឋមន្រ្តី លី ធុជ អនុប្រធានទី១ អាជ្ញាធរមីន​បាន​លើកឡើង​អំពី​ភាព​ជា​ដៃគូ​និង​កិច្ច​សហប្រតិបត្តិការ​ពាក់ព័ន្ធ​នឹង​វិស័យ​សកម្មភាព​មីន​នៅ​កម្ពុជា។

លោក លីធុជ គូសបញ្ជាក់​ថា នេះ​ជា​ជំនួប​វិជ្ជមាន​ស្តីពី​កិច្ច​សហប្រតិបត្តិការ​វិស័យ​មីន​រវាង​កម្ពុជា​និង​ចក្រភព​អង់គ្លេស។

ជាមួយគ្នានេះ លោក​ទេសរដ្ឋ​មន្រ្តី​បាន ស្នើសុំ ឱ្យ​ចក្រភព​អង់គ្លេស បន្ត​ជួយ​គាំទ្រ​ដល់​រាជរដ្ឋាភិបាល​កម្ពុជា លើ​វិស័យ​សកម្មភាព មីន រហូត​ដល់​កម្ពុជា​សម្រេច​បាន​នូវ​គោលដៅ​គ្មានមីន​ឆ្នាំ ២០២៥។

លោកស្រី Amanda Milling បាន​វាយ​តម្លៃ​ខ្ពស់​ដល់​ការងារ​បោស​សម្អាត​មីន​នៅ​កម្ពុជា ដែល​ជា​តម្រូវ​ការ​ចាំបាច់ ក្នុង​ការ​ចូលរួម​ជួយ ដល់​ប្រជាជន​កម្ពុជា កាត់​បន្ថយ​គ្រោះថ្នាក់ និង​ការ​អភិវឌ្ឍ​ប្រទេសជាតិ។ លោកស្រី​បញ្ជាក់​ថា ចក្រភព​អង់គ្លេស នឹង​បន្ត​គិតគូរ​ចូលរួម​គាំទ្រជួយ​ដល់​រាជរដ្ឋាភិបាល​កម្ពុជា​លើ​វិស័យ​មីន​នេះ​បន្ថែម​ទៀត៕

អត្ថបទគួរចាប់អារម្មណ៍