The Phnom Penh Post Search

Search form

Logo of Phnom Penh Post newspaper Phnom Penh Post - អាជ្ញាធរខេត្ត​ក្រចេះ​ ជំរុញ​ឱ្យ​ក្រុង​ស្រុក​ទាំងអស់​ស្វែងរក​ផលិតផល​ថ្មីៗ​ដាក់បញ្ចូល​ចលនា​ភូមិ​ ១ ​ផលិតផល ​១

អាជ្ញាធរខេត្ត​ក្រចេះ​ ជំរុញ​ឱ្យ​ក្រុង​ស្រុក​ទាំងអស់​ស្វែងរក​ផលិតផល​ថ្មីៗ​ដាក់បញ្ចូល​ចលនា​ភូមិ​ ១ ​ផលិតផល ​១

Content image - Phnom Penh Post

អាជ្ញាធរខេត្ត​ក្រចេះ​ ជំរុញ​ឱ្យ​ក្រុង​ស្រុក​ទាំងអស់​ស្វែងរក​ផលិតផល​ថ្មីៗ​ដាក់បញ្ចូល​ចលនា​ភូមិ​ ១ ​ផលិតផល ​១

ក្រចេះ៖ លោក​គង់ គឹម​នី អភិបាលរង​ខេត្តក្រចេះ​បាន​ជំរុញ​អាជ្ញាធរ​ក្រុង​ស្រុក​ទាំងអស់​ត្រូវតែ​ខិតខំ​បន្តទៀត ក្នុងការ​ស្វែងរក​នូវ​ផលិតផល​ផ្សេងៗ​បន្ថែមទៀត​ដែលមាន​សក្ដានុពល​ក្នុង​មូលដ្ឋាន​របស់ខ្លួន​ដើម្បី​ដាក់បញ្ចូល​ទៅជា​ចលនា ភូមិ​ ១ ផលិតផល​ ១​។

​ការជំរុញ​របស់​អភិបាលរង​ខេត្តក្រចេះ​រូបនេះ​ធ្វើឡើង​ក្នុង​កិច្ចប្រជុំ​ដើម្បី​អនុវត្ត​ការងារ ប្រមូល​ចងក្រង​សមាជិក ចលនា​ភូមិ​មួយ ផលិតផល​មួយ សម្រាប់​ឆ្នាំ​២០២២ នៅ​រសៀល​ថ្ងៃទី​០៥ ខែសីហា ឆ្នាំ ២០២២​នេះ នៅ​សាលា​ខេត្តក្រចេះ​។

​លោក​គង់ គឹម​នី បញ្ជាក់ថា​៖«​អាជ្ញាធរ​ក្រុង ស្រុក ទាំងអស់​ត្រូវតែ​ខិតខំ​បន្តទៀត ក្នុងការ​ស្វែងរក​នូវ​ផលិតផល​ផ្សេងទៀត​ដែលមាន​សក្ដានុពល​ក្នុង​មូលដ្ឋាន​របស់ខ្លួន​ដើម្បី​ដាក់បញ្ចូល​ផលិតផល​នោះ​ទៅជា​ចលនា ភូមិ​១ ផលិតផល​១ ហើយ​អាច​យកទៅ ប្រកួតប្រជែង ក្នុង​ទីផ្សារ ក្នុងស្រុក និង​ក្រៅ​ស្រុក ឱ្យគេ​បានដឹងថា​ផលិតផល​របស់​យើង​ក៏មាន​គុណភាព​ល្អ មិន​ចាញ់ ផលិតផល​ក្រៅ​ស្រុក​ប៉ុន្មាន​នោះទេ​»​។

​លោក​អភិបាលរង​ខេត្តក្រចេះ​រូបនេះ បាន​ថ្លែងអំណរគុណ​ដល់​គណៈកម្មាធិកា​រ​ជាតិ​ជំរុញ​ចលនា​ភូមិ​១ ផលិតផល​១ ដែល​កន្លងទៅ​ធ្វើឱ្យ​ចលនា​ភូមិ​១ ផលិតផល​១ ក្នុង​ខេត្តក្រចេះ ដំណើរការបាន​ល្អប្រសើ​រ ជា​បន្ត​បន្ទាប់មក តាមរយៈ​យុទ្ធសាស្ត្រ​ផ្សេងៗ​។ រដ្ឋបាល​ខេត្តក្រចេះ មាន​ក្រុមប្រឹក្សា​ខេត្ត គណៈ​អភិបាលខេត្ត បាន​ខិតខំ​ប្រឹងប្រែង និង​អនុវត្តតាម​គោលនយោបាយ​របស់​រាជ​រដ្ឋាភិបាល ស្តីពី​ការលើកកម្ពស់​សេដ្ឋកិច្ច នៅក្នុង​ខេត្ត និង​ការកាត់បន្ថយ​ភាពក្រីក្រ របស់​ប្រជាពលរដ្ឋ​ក្នុង​មូលដ្ឋាន​។

​លោក​បាន​គូសបញ្ជាក់ថា គណៈកម្មាធិការ​ជាតិ ជំរុញ​ចលនា​ភូមិ​១ ផលិតផល​១ បាន​ពិនិត្យ និង​វាយតម្លៃ ក្នុងការ​កំណត់ ផលិតផល​ខ្មែរ ដែលមាន​សក្តានុពល​ក្នុង​ខេត្តក្រចេះ ជា​ភូមិ​១ ផលិតផល​១ ហើយ​ការពិនិត្យ និង​វាយតម្លៃ នៃ​ផលិតផល​ទាំងនោះ ត្រូវបាន​កំណត់ដោយ​ផ្អែកលើ​លក្ខណៈវិនិច្ឆ័យ​សំខាន់ ចំនួន ៤​គឺ ៖ ទី​១.​មាន​ទីតាំង​ផលិតកម្ម​ច្បាស់លាស់ ទី​២. មានការ​ឆ្លុះបញ្ចាំង​នូវ​អត្តសញ្ញាណ​ភូមិឋាន ដែល​ឆ្លើយតប​ទៅនឹង​និយមន័យ​ចលនា​ភូមិ​១ ផលិតផល​១ ទី​៣. មានការ​កែច្នៃ​ដោយបាន​បង្កប់​គំនិត​ច្នៃប្រឌិត និង​ទី​៤ ជា​ផលិតផល ប្រមូល​ផ្តុំគ្នា ជា​សហគមន៍ ឬ​សមាគមន៍​៕​

អត្ថបទគួរចាប់អារម្មណ៍