The Phnom Penh Post Search

Search form




Logo of Phnom Penh Post newspaper Phnom Penh Post - លោកនាយក​រដ្ឋមន្ត្រី ហ៊ុន សែន ស្នើ​ប៉ា​គី​ស្ថាន​បង្កើន​កិច្ចសហប្រតិបត្តិកា​រវិ​ស័​យ​សេដ្ឋកិច្ច ពាណិជ្ជកម្ម ទេសចរណ៍ វិនិយោគ​

លោកនាយក​រដ្ឋមន្ត្រី ហ៊ុន សែន ស្នើ​ប៉ា​គី​ស្ថាន​បង្កើន​កិច្ចសហប្រតិបត្តិកា​រវិ​ស័​យ​សេដ្ឋកិច្ច ពាណិជ្ជកម្ម ទេសចរណ៍ វិនិយោគ​

Content image - Phnom Penh Post

លោកនាយក​រដ្ឋមន្ត្រី ហ៊ុន សែន ស្នើ​ប៉ា​គី​ស្ថាន​បង្កើន​កិច្ចសហប្រតិបត្តិកា​រវិ​ស័​យ​សេដ្ឋកិច្ច ពាណិជ្ជកម្ម ទេសចរណ៍ វិនិយោគ​

​ភ្នំពេញៈ លោកនាយក​រដ្ឋមន្ត្រី ហ៊ុន សែន ស្នើ​ប្រមុខ​ការទូត​ប៉ា​គី​ស្ថាន​ជំរុញ​វិនិយោគិន​ប៉ា​គី​ស្ថាន​ឱ្យមក​កម្ពុជា​ដើម្បី​ពិនិត្យមើល​លទ្ធភាព​បង្កើន​កិច្ចសហប្រតិបត្តិការ​លើ​វិស័យសេដ្ឋកិច្ច ពាណិជ្ជកម្ម ទេសចរណ៍ និង​ការវិនិយោគ​។​

​លោក​ស្នើ​បែបនេះ​ក្នុងជំនួប​ជាមួយ​លោក Bilawal Bhutto Zardari រដ្ឋមន្ត្រីការបរទេស​ប៉ា​គី​ស្ថាន នា​ថ្ងៃទី​៦ ខែសីហា នៅ​វិមាន​សន្តិភាព ក្នុងឱកាស​លោក​មក​ចូលរួម​ក្នុង​កិច្ចប្រជុំ​រដ្ឋមន្ត្រី​ការ​ប្រទេស​អាស៊ាន​លើក​ទី​៥៥ និង​កិច្ចប្រជុំ​ពាក់ព័ន្ធ នៅ​រាជធានី​ភ្នំពេញ​។​

​ហ្វេ​ស​ប៊ុ​កលោក​នាយករដ្ឋមន្ត្រី ហ៊ុន សែន បាន​ដកស្រង់​សម្ដី​លោក Zardari ដែល​ថ្លែង​ក្នុងជំនួប​នេះ​ថា ប្រទេស​កម្ពុជា មាន​សក្តានុពល​ក្នុងការ​ជំរុញ​កិច្ចសហប្រតិបត្តិការ​រ​វាង​ប្រទេស​ទាំង​២​។

​ហ្វេ​ស​ប៊ុ​ក​ដដែល​បញ្ជាក់ថា លោក Zardari នឹង​ពិភាក្សា​ជាមួយ​លោក ប្រាក់ សុខុន រដ្ឋមន្ត្រីការបរទេស​កម្ពុជា ដើម្បី​ស្វែងរក​កិច្ចសហប្រតិបត្តិការ​លើ​វិស័យ​ផ្សេងៗ​ដែល​អាចធ្វើ​ទៅបាន ជាពិសេស លើ​វិស័យសេដ្ឋកិច្ច ពាណិជ្ជកម្ម វិនិយោគ និង​ទេសចរណ៍​។

​ហ្វេ​ស​ប៊ុ​ក​ដដែល​បញ្ជាក់ថា​៖ «​សម្តេច​តេ​ជោ បាន​លើកទឹកចិត្ត​ឱ្យ​ឯកឧត្តម Zardari ជំរុញ និង​លើកទឹកចិត្ត​វិនិយោគិន​ប៉ា​គី​ស្ថាន​ឱ្យមក​កម្ពុជា​ដើម្បី​ពិនិត្យមើល​លទ្ធភាព​បង្កើន​កិច្ចសហប្រតិបត្តិការ​លើ​វិស័យ​ដែល​អាចធ្វើ​ទៅបាន ជាពិសេស​លើ​វិស័យ​ដែល​ឯកឧត្តម​បានលើកឡើង​នោះ គឺ​វិស័យសេដ្ឋកិច្ច ពាណិជ្ជកម្ម ទេសចរណ៍ និង​ការវិនិយោគ​»​។​

​លោក Zardari បាន​អញ្ជើញលោក ហ៊ុន សែន ទៅធ្វើ​ទស្សនកិច្ច​ផ្លូវការ​នៅ​ប្រទេស​ប៉ា​គី​ស្ថាន និង​ស្នើសុំ​លោក ហ៊ុន សែន ពិចារណា​បើក​ស្ថានទូត​កម្ពុជា​នៅ​ទីក្រុង​ឥ​ស្លា​ម៉ា​បាដ ប្រទេស​ប៉ា​គី​ស្ថាន​។

​ហ្វេ​ស​ប៊ុ​ក​ដដែល​បន្តថា លោក ហ៊ុន សែន បានទទួល​យក​នូវ​ការអញ្ជើញ​នេះ ហើយក៏​បានទទួល​ការឆ្លើយតប​ជា​វិជ្ជមាន​ចំពោះ​ការស្នើ​សុំឱ្យ​ពិចារណា​បើក​ស្ថានទូត​កម្ពុជា​នៅ​ទីក្រុង​ឥស្លាម​ម៉ា​បាដ​៕​

អត្ថបទគួរចាប់អារម្មណ៍