.jpg)
ពលរដ្ឋទទួលការធ្វើតេស្តរកមេរោគកូវីដ ១៩ ពីគ្រូពេទ្យ នាខែមីនា ឆ្នាំ ២០២២ នៅខេត្តក្រចេះ។ រូបថត ហុង មិនា
ភ្នំពេញៈ ក្រសួងសុខាភិបាល បានប្រកាសរកឃើញករណីឆ្លងមេរោគកូវីដ ១៩ ប្រភេទអូមីក្រុងចំនួន ៤៤ នាក់បន្ថែមទៀត និងមានអ្នកជាសះស្បើយ ចំនួន ៣៣ នាក់ ប៉ុន្តែមិនមានករណីស្លាប់ឡើយ។
យោងតាមសេចក្តីប្រកាសរបស់ក្រសួងសុខាភិបាល អ្នកឆ្លងមេរោគកូវីដ ១៩ សម្រាប់ថ្ងៃទី ៦ ខែសីហា កម្ពុជាបានរកឃើញករណីឆ្លងមេរោគកូវីដ ១៩ ក្នុងសហគមន៍ចំនួន ៤៤ នាក់ ដែលក្នុងនោះ ១០ នាក់ ជាករណីស្នើសុំវិញ្ញាបនបត្រចេញទៅក្រៅប្រទេស។
គិតត្រឹមព្រឹកថ្ងៃទី ៧ ខែសីហា ឆ្នាំ ២០២២ កម្ពុជា មានអត្រាឆ្លងមេរោគកូវីដ ១៩ សរុបចំនួន ១៣៧ ០២១ នាក់ អ្នកជាសះស្បើយ សរុបចំនួន ១៣៣ ៦៨៣ នាក់ និងអ្នកស្លាប់ចំនួន ៣ ០៥៦ នាក់៕
