ភ្នំពេញៈ ក្រសួងសុខាភិបាលបានប្រកាសរកឃើញករណីឆ្លងមេរោគកូវីដ ១៩ ប្រភេទអូមីក្រុង ចំនួន ២៦ នាក់បន្ថែមទៀត និងមានអ្នកជាសះស្បើយចំនួន ៣២ នាក់ ហើយក៏មិនមានករណីស្លាប់ឡើយ។
យោងតាមសេចក្តីប្រកាសរបស់ក្រសួងសុខាភិបាល អ្នកឆ្លងមេរោគកូវីដ ១៩ សម្រាប់ថ្ងៃទី ១៦ ខែសីហា កម្ពុជាបានរកឃើញករណីឆ្លងមេរោគកូវីដ ១៩ ក្នុងសហគមន៍ចំនួន ២៦ នាក់ ដែលក្នុងនោះ ៩ នាក់ ជាករណីស្នើសុំវិញ្ញាបនបត្រចេញទៅក្រៅប្រទេស។
គិតត្រឹមព្រឹកថ្ងៃទី ១៧ ខែ សីហា ឆ្នាំ ២០២២ កម្ពុជាមានអត្រាឆ្លងមេរោគកូវីដ ១៩ សរុបចំនួន ១៣៧ ៣២៦ នាក់ អ្នកជាសះស្បើយ សរុបចំនួន ១៣៤ ០១៤ នាក់ និងអ្នកស្លាប់ចំនួន ៣ ០៥៦ នាក់៕