.jpg)
កងកម្លាំងកំពុងប្រមូលស្បៃមុងដែលដាក់រាំងចាប់ត្រីនៅចំណុចភូមិអន្លង់មេត្រី កាលពីថ្ងៃទី ១៨ សីហា។ រូបថត នគរបាល
កំពង់ឆ្នាំងៈ កម្លាំងប៉ុស្តិ៍នគរបាលរដ្នបាលពាមឆ្កោក នៃអធិការដ្ឋាននគរបាលស្រុកជលគិរី បានសហការជាមួយកម្លាំងជំនាញជលផល និងសហគមន៍នេសាទអន្លង់មេត្រីសែនជ័យ កាលពីថ្ងៃទី ១៨ សីហា បានចុះបង្ក្រាបបទលើ្មសនេសាទ នៅចំណុចភូមិអន្លង់មេត្រី ភូមិក្បាលកន្លង់ និងវាលសំណាប ដោយបានកម្ទេចចោលនូវឧបករណ៍នេសាទល្មើសច្បាប់មួយចំនួន។
បើតាមអគ្គស្នងការដ្ឋាននគរបាលជាតិ ក្នុងប្រតិបត្តិការនេះ មានកម្លាំងសរុបចំនួន ០៦ នាក់ ប្រើមធ្យោបាយទូកបាឡាស្មាច់ចំនួន ០២ គ្រឿង ។
ក្នុងកិច្ចប្រតិបត្តិការចុះបង្ក្រាបខាងលើនេះ ជាលទ្ធផល រុះរើរបាំងសាច់អួន និងរបាំងស្បៃមុងបានចំនួន ១១ កន្លែង ប្រវែង ៣៥០ ម៉ែត្រ, បង្គោលចំនួន ២៥០ ដើម, លែងកូនត្រីចម្រុះចូលទៅក្នុងទន្លេវិញចំនួន ២០០ គីឡូក្រាម។
ឧបករណ៍ សម្ភារនេសាទល្មើសច្បាប់ទាំងនេះ ត្រូវបានបំផ្លាញចោលនៅនឹងកន្លែង៕
