.jpg)
រូបភាព អគ្គស្នងការដ្ឋាននគរបាលជាតិ
សៀមរាបៈ កម្លាំងប៉ុស្តិ៍នគរបាលរដ្ឋបាលឃុំវ៉ារិននៃអធិការដ្ឋាននគរបាលស្រុកវ៉ារិន ខេត្តសៀមរាប កាលពីថ្ងៃទី ១៨ ខែសីហា បានធ្វើការប្រគល់សំណល់ជាតិផ្ទុះពីសម័យសង្គ្រាមចំនួន ២ គ្រាប់ទៅអាជ្ញាធរកម្ចាត់មីនកម្ពុជា។ នេះបើយោងតាមអគ្គស្នងការដ្ឋាននគរបាលជាតិ។
គេហទំព័រអគ្គស្នងការដ្ឋាននគរបាលជាតិនាថ្ងៃទី ១៩ ខែសីហា បានដកស្រង់សម្ដីលោក រៀម រតនា នាយការិយាល័យគ្រប់គ្រងអាវុធគ្រឿងផ្ទុះ និងជាតិពុលថា សំណល់ជាតិផ្ទុះដែលប្រគល់ឱ្យនាពេលនោះរួមមាន គ្រាប់ត្បាល់ (Mortar) ទំហំ ៨២ មិលីលម៉ែត្រ ១ គ្រាប់ និងប្រភេទគ្រាប់បែកដៃ (Grenade) ១ គ្រាប់។
គេហទំព័រដដែលបញ្ជាក់ថា សំណល់ជាតិផ្ទុះពីសង្គ្រាម ២ គ្រាប់នេះត្រូវបានប្រគល់ឱ្យអង្គការដោះមីនកម្ពុជាយកទៅធ្វើការកម្ទេចចោលដោយសុវត្ថិភាព នៅចំណុចដីចម្ការ ស្ថិតក្នុងភូមិរំដួល ឃុំវ៉ារិន ស្រុកវ៉ារិន៕
