.jpg)
ភ្នំពេញៈ ក្រសួងទេសចរណ៍ សហភាពសហព័ន្ធយុវជនកម្ពុជា (សសយក) សហការជាមួយមជ្ឈមណ្ឌលកម្ពុជា ៤.០ នឹងបើកវគ្គបណ្តុះបណ្តាលអក្ខរកម្មឌីជីថលក្នុងវិស័យទេសចរណ៍ សម្រាប់រាជធានីភ្នំពេញ និងខេត្តសៀមរាប ដើម្បីលើកស្ទួយវិស័យទេសចរណ៍ក្នុង និងក្រោយវិបត្តិជំងឺកូវីដ ១៩ នៅថ្ងៃទី ២២ ខែសីហា។
វគ្គបណ្តុះបណ្តាលនេះមានគោលបំណង ដើម្បីឆ្លើយតបទៅនឹងតម្រូវការនៃការប្រើប្រាស់បច្ចេកវិទ្យាក្នុងការស្តារ និងលើកស្ទួយវិស័យទេសចរណ៍កម្ពុជា។
ក្រសួងទេសចរណ៍ សសយក និងមជ្ឈមណ្ឌលកម្ពុជា ៤.០ បញ្ជាក់ក្នុងសេចក្តីជូនដំណឹងនាថ្ងៃទី ១៩ ខែសីហា ថាពិធីបើកវគ្គបណ្តុះបណ្តាលនេះនឹងប្រព្រឹត្តទៅក្រោមវត្តមានលោក ហ៊ុន ម៉ានី ប្រធាន សសយក និងជាប្រធានក្រុមប្រឹក្សាភិបាលនៃមជ្ឈមណ្ឌលកម្ពុជា ៤.០ និងលោក ថោង ខុន រដ្ឋមន្ត្រីក្រសួងទេសចរណ៍៕
