.jpg)
រូបភាព រដ្ឋបាលខេត្តកំពង់ចាម
កំពង់ចាមៈ លោក អ៊ុន ចាន់ដា អភិបាលខេត្តកំពង់ចាមបានដោះស្រាយបញ្ចប់ទំនាស់ដីធ្លីរ៉ាំរ៉ៃ ១៥ ឆ្នាំ នៅក្នុងភូមិតាសែន ឃុំសូទិព្វ ស្រុកជើងព្រៃ ដោយជោគជ័យ តាមរយៈនយោបាយឈ្នះឈ្នះ កាលពីថ្ងៃទី ១៩ ខែសីហា ឆ្នាំ ២០២២ នេះ ក្រោយពីប្រជុំរកដំណោះស្រាយផ្ទាល់ជាមួយប្រជាពលរដ្ឋអស់រយៈពេលជាង ៣ ម៉ោង។
លោក អ៊ុន ចាន់ដា អភិបាលខេត្តកំពង់ចាមបានដឹកនាំក្រុមការងារខេត្ត អាជ្ញាធរមូលដ្ឋាន និងមន្ត្រីជំនាញចុះពិនិត្យទីតាំងទំនាស់ដីធ្លី និងដឹកនាំកិច្ចប្រជុំដោះស្រាយទំនាស់ ករណីស្នើសុំបើកផ្លូវធ្លា ស្ថិតក្នុងភូមិតាសែន ឃុំសូទិព្វ ស្រុកជើងព្រៃ ដែលមានភាគីដើមបណ្តឹងចំនួន ៨ គ្រួសារ និងភាគីចុងបណ្តឹង ចំនួន ១ គ្រួសារ។
ក្រោមកិច្ចសម្រុះសម្រួល និងដោះស្រាយដោយភាពប៉ិនប្រសព្វរបស់លោក អ៊ុន ចាន់ដា អភិបាលខេត្តកំពង់ចាមតាមនយោបាយឈ្នះ ឈ្នះ របស់លោកនាយករដ្ឋមន្ត្រី ហ៊ុន សែន ធ្វើឱ្យទំនាស់រុំារ៉ៃជាង ១៥ ឆ្នាំទទួលបានជោគជ័យយ៉ាងត្រចះត្រចង់ ដោយភាគីចុងបណ្តឹង និងភាគីដើមបណ្តឹង ឯកភាពគ្នាក្នុងការបើកផ្លូវធ្លាចាប់ពីដើមផ្លូវរហូតទៅដល់ចុងផ្លូវ មានប្រវែង ១៤១,៤៨ ម៉ែត្រ និងបានព្រមព្រៀងគ្នាដោយបរិច្ចាគជាថវិកា និងបរិច្ចាគដីធ្លី សម្រាប់បើកផ្លូវធ្លាខាងលើជាប្រយោជន៍សាធារណៈផងដែរ៕
