.jpg)
ក្រុមគ្រូពេទ្យពេលកំពុងធ្វើតេស្ដរកមេរោគកូវីដនៅភ្នំពេញ នាពេលកន្លងមក។ ហុង មិនា
ភ្នំពេញៈ ក្រសួងសុខាភិបាលបានប្រកាសរកឃើញករណីឆ្លងមេរោគកូវីដ ១៩ ប្រភេទអូមីក្រុងចំនួន ១៥ នាក់បន្ថែមទៀត និងមានអ្នកជាសះស្បើយថ្មីចំនួន ២១ នាក់ ប៉ុន្តែមិនមានករណីស្លាប់ឡើយ។
តាមសេចក្តីប្រកាសរបស់ក្រសួងសុខាភិបាល អ្នកឆ្លងមេរោគកូវីដ ១៩ សម្រាប់ថ្ងៃទី ២៩ ខែសីហា កម្ពុជាបានរកឃើញករណីឆ្លងមេរោគកូវីដ ១៩ ក្នុងសហគមន៍ចំនួន ១៥ នាក់ ដែលក្នុងនោះ ២ នាក់ ជាករណីស្នើសុំវិញ្ញាបនបត្រចេញទៅក្រៅប្រទេស។
គិតត្រឹមព្រឹកថ្ងៃទី ៣០ ខែ សីហា ឆ្នាំ ២០២២ កម្ពុជាមានអត្រាឆ្លងមេរោគកូវីដ ១៩ សរុបចំនួន ១៣៧ ៥៩៦ នាក់ អ្នកជាសះស្បើយសរុបចំនួន ១៣៤ ៣៩៤ នាក់ និងអ្នកស្លាប់ចំនួន ៣ ០៥៦ នាក់៕
